Malaki 1:11 - Tonga Bible 1986

¹¹ Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Malaki 1:11 Referans Kwoze

Yesaya 54:5

Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.

Yesaya 45:6

kuti ŵanthu ŵaziŵe, kwamba kuutuli wa lumwi mpaka ku zambwe, kuti palive munyake pade paku ine; ndine Ambuya, ndipo kulivi so munyake.

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Zekariya 8:7

Viyo ndimo anene Ambuya ŵa maŵanja: Nadi, nditaskenge ŵanthu ŵangu ku charu chakuvuma ndi ku charu chaku zambwe;

Sumu 50:1

Wanthazi zose, Chiuta Ambuya, warongoro wadana charu chapasi kutuwa ku utuli wa lumwi mpaka ku kuselere kwake.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Sumu 141:2

Rondeni rombu langu nge nchakusunkhizga paurongo pinu, ndi kusoska kwa manja ghangu ngendi sembe ya mazulo.

Sumu 67:2

Alinga kuti charu chose chiziŵe khumbu linu, mwakuti mitundu yose yiziŵe utaski winu.

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

ŴaFilipi 4:18

Kweni nde navyo vyose, ndipo ndisakata; ndazara, ndati ndaronde kwaku Epafroditu vyakutuliya kwinu, fungu la chema, chisopu chamarondeka, chakumkondweska Chiuta.

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

Luka 1:10

Ndipo mzinda wose wa khamu warombanga kubwaro pa ora la chema.

Malaki 1:14

“Watembeke wakupusika yo we ndi yinthurumi mu mskambu wake ndipo wapangana kuyipereka, kweni wabayiya sembe Ambuya yo ye ndi kalema; chifukwa nde karonga mukuru, ndipo nditopeka mukati mu mitundu, atiti Ambuya ŵa maŵanja.

Zefaniya 3:9

“Pa nyengo yo nding'anamuwenge karongororedu ka ŵanthu kuŵa kamampha, mwakuti wose ŵadanenge pa zina la Ambuya ndi kumuteŵete iyo ndi mtima umoza.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Mika 5:4

Ndipo wakamanga ndi kuliska mskambu wake, ndi nthazi za Ambuya, ndi kuzirwa kwa zina la Ambuya Chiuta wake. Ndipo ŵakajanga mu kufwasa chifukwa iyo wakaŵanga mukuru mpaka ku vigoti vya charu chapasi.

Amosi 9:12

mwakuti ŵaronde ŵakujako ŵaEdomu, ndi mitundu yose yo yidanika ndi zina langu,” atiti Ambuya wo achita ichi.

Yesaya 59:19

Viyo ŵakawopanga zina la Ambuya kutuwa ku zambwe, ndi unkhankhu wake kwamba kukutuliya dazi, pakuti wakazanga nge nkhamsinji ka mweza, ko kadikiskika ndi mphepo ya Ambuya.

Sumu 113:3

Kutuwa ku vuma mpaka ku zambwe, zina la Ambuya lirumbike!

Mateyu 8:11

Ndipo ndinena namwe, kuti ŵanandi kutuwa ku vuma ndi ku zambwe ŵazenge, ndipo ŵajenge pasi pamoza ndi Abrahamu ndi Yisaki ndi Yakobe mu ufumu wakuchanya,

2 ŴaTesalonika 1:12

viyo kuti zina lo la Ambuyafwe Yesu likankhuskike mwaku imwe, ndi imwe mwaku iyo, kwakulingana ndi wezi waku Chiuta widu ndi wa Ambuya Yesu Kristu.

Maŵerengedu 7:74

mbali ya golide ya mashekelo chumi, yakuzaza vya chema;

Sumu 45:17

Ndichitenge kuti zina lako likumbukikenge mu migonezi yose; chifukwa ichi mitundu yitumbikenge iwe muyaya ndi muyaya.

Sumu 48:10

Mo liliri zina linu, A Chiuta, viyo so rumbu linu lifikiya ku vigoti vya panu pasi. Ndakuzaza upindi janja linu la kurghiya;

Sumu 111:9

Angupaska uwombozi ku khamu lawo, ndi kupangana nawo phanganu la muyaya. Mtuŵa ndi wanthazi ndiyo!

Yesaya 12:4

Ndipo mukakambanga mu zuŵa leniliya: “Paskani viwongu ku Ambuya, danani pa zina lawo, ziŵiskani nchitu zawo mukati mu mitundu, memezani kuti zina lawo lakuzgika.

Yesaya 12:5

“Mbani marumbu ku Ambuya, pakuti achita ndi unkhankhu, chitani chiziŵikwe ichi mu charu chose chapasi.

Yesaya 66:18

“Pakuti ndiziŵa nchitu ndi maghanaghanu ghawo, ndipo ndituza kuzachiwunjika mitundu yose ndi malilime; ndipo ŵakazanga ndi ŵakawonanga unkhankhu wangu,

Yeremiya 10:6

Kulivi nanga njumoza wakukozgana namwe, Ambuya mwe; mwe ŵakuru, ndipo zina linu nda nthazi ukongwa.

Yeremiya 10:7

Njani yo wangareka kumopani imwe, mwa Karonga ŵa mitundu? Pakuti mwe ŵakwenere kopeka; mukati mu ŵazeru wose ŵa mitundu ya ŵanthu ndi mu maufumu ghawo ghose mulivi wakuyana ndi imwe.

Danyele 2:45

nge ndimo munguwone mwa uwa kutuwa ku phiri wo kuti ungusweka ndi janja la munthu cha, ndipo ungutekenya chisulo, mkuŵa, dongo, siliva, ndi golide, Chiuta mkuru wamuziŵiska karonga ndi vyo vikaŵangako pavuli. Nadi ndi loto leneko, ndi kang'anamuridu kake nako nkhakuneneska.”

1 Mikoka 16:25

Chifukwa mbakuru Ambuya ndi ŵatenere kuthamikika ukongwa, ndi ŵatenere kopeka kwakuruska ŵachiuta wose.

Sumu 48:11

likondwe phiri la Zioni! Ŵana ŵanthukazi ŵaku Yuda ŵangarenge chifukwa cha vyeruzgu!

Sumu 65:9

Muchezga ndi charu chapasi pakuchipaska vuwa, mwachisambisiska ukongwa ndi nyata, msinji waku Chiuta ngwakuzaza ndi maji; murongoso mbutu yawo, nadi mutiyirongoso.

Sumu 86:9

Mitundu yose yo imwe kukulenga yikazanga ndi kugwada paurongo pinu, Ambuya, ndipo ŵakankhuskenge zina linu.

Sumu 96:8

Paskani ku Ambuya unkhankhu wakwenere zina lawo; nyamuwani mpasku, ndipo zaninga mu maluluwa ghawo!

Sumu 138:5

Ŵakambiyanga paku vyo Ambuya atata, ndi pa unkhankhu wawo ukuru.

Yesaya 19:21

Ndipo Ambuya akajiziŵiskanga ku ŵaEgipiti, ndipo ŵaEgipiti ŵakaziwanga Ambuya mu zuŵa liya ndi kusopa pamoza ndi mipasku yakocha, ndipo ŵakarapanga ku Ambuya ndi kufiska marapu gho.

Yesaya 30:27

Ehe, zina la Ambuya lituwa kutali, lakunyeka ndi ukari wawo, ndi mu usi ukhomi wakukwera; milomo yake njakuzaza ndi kukwiya, lilime lake le uli ndi moto wakocha;

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Malaki 3:3

wajenge nge ngwakwenga ndi wakutozga siliva. Wakatozganga ŵana ŵaku Levi ndi kuŵayengetuwa nge ndi golide ndi siliva, mpaka ŵapereke mipasku yakwenere ku Ambuya.