Luka 9:41 - Tonga Bible 1986

⁴¹ Ndipo Yesu wakwamuka, wanguti, “Mphapu yambura chivwanu ndi yakwanangika! Mpaka zuŵanji ndiŵenge pamoza namwe, ndipo ndikunthiyengepo namwe? Mtole kuno mwana wako.”

Luka 9:41 Referans Kwoze

Marangu 32:5

Ŵamuchitiya ukazuzi, kuti mbana wake sono cha, chifukwa cha kalema kawo. Ndiwo mugonezi wakusoŵa ndi wakunyongoroka.

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

Yohane 14:9

Yesu wamnene, “Nyengo yitali yaviyo ndaŵa pamoza namwe, ndipo kumbi ulive kundiziŵa, Filipu? Yo wawona ine, wawona Ada. Ukamba uli iwe, ‘Tirongoni Dada’?

Marko 9:19

Ndipo wakuŵamuka wanguti, “A mphapu yambura chivwanu, mpaka zuŵanji nkhajanga namwe? Mpaka zuŵanji nkhakunthiyangapo namwe? Mtoleni kwaku ine.”

Mateyu 17:17

Yesu wakwamuka wanguti, “Mgonezi wambura chivwanu ndi wakubende, mpaka zuŵanji nkhaŵanga namwe? Mpaka zuŵanji ndikunthiyengepo namwe? Mtoleni kuno kwaku ine.”

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

ŴaHebere 4:11

Viyo tipamphuke kusere mu chipumulu chiya, alinga kuti wareke yumoza kuwiyamu chandiru chenicho pe cha mtafu.

ŴaHebere 4:2

Chifukwa nadi tataulikiya evangeli uli ndi ŵeniŵa: kweni mazu gho ŵanguvwa ghengavi kuŵanduliya kanthu, pakuŵavi kusazgikana ndi chivwanu mu ŵakughavwa.

ŴaHebere 3:19

Ndipo tiwona kuti ŵanguwuravi nthazi kwachisere chifukwa chakuŵavi chivwanu.

ŴaRoma 2:4

Pamwenga uyuyuwa kumbi usambasi wa ulemu wake ndi unkhunthiya ndi chilekerezga, pakureka kuziŵa kuti ulemu wo waku Chiuta ngwakurongozge iwe ku chipe?

Machitidu gha Ŵakutumika 13:18

Ndipo ankhumba kunyengo ya virimika machumi ghanayi wanguŵabapa mu bozwa lo.

Machitidu gha Ŵakutumika 2:40

Ndipo ndi mazu ghanyake ghanandi waŵasimikizganga ndi waŵachichizganga, wakuti, “Jitaskeni ku mgonezi wenuwu wakunyongoroka.”

Luka 8:25

ndipo wanguti kwaku wo, “Che pani chivwanu chinu?” Ndipo ŵangopa ndi kurwita, ŵakunenerana, “Njani munthu uyu walanguliya mphepu ndi maji, ndi vitumviya?”

Mateyu 16:4

Mphapu yiheni ndi yireŵi yipenja chisimikizgu, ndipo kuti chisimikizgu chipaskikenge kwaku yo cha, kweni chisimikizgu cho chaku Yona.” Ndipo wanguŵareka wangutuwapo.

Mateyu 12:39

Kweni wakwamuka wanguti kwaku wo, “Mgonezi uheni ndi ureŵi upenja chisimikizgu; ndipo kuti chisimikizgu chipaskikenge kwaku wo cha, kweni cho chaku Yona mchimi yo.

Mateyu 3:7

Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

2 ŴaKaronga 5:8

Kweni penipo Elisha munthu waku Chiuta wanguvwa kuti karonga waYisraele waparuwa vyakuvwara vyake, wangutuma mazu ku karonga kuti, “Chifukwa chine mwaparuwa vyakuvwara vinu? Murekeni wazi kuno kwangu, alinga kuti waziŵe kuti mwe mchimi mu Yisraele.”

Maŵerengedu 14:27

“Mpaka zuŵanji ndikunthiyengepo pa wumba uheni uwu wo udinginika kumikana nane? Ndavwa madinginiku gha ŵaYisraele, gho ŵadinginikiya pa ku Ine.

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Chituwa 16:28

Ndipo Ambuya anguti kwaku Mosese, “Mpaka zuŵanji mweche kukana kusunga malangulu ghangu ndi marangu ghangu?

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Marko 10:49

Ndipo wati wama Yesu, wanguti, “Mdaneni.” Ndipo ŵangumdana wachiburumutiya yo, wakumunene, “Chintha mtima: soka, watukudana.”

Marko 10:14

Kweni Yesu wachiwona wangutundiya, ndipo wanguŵanene, “Tulekeni twana kuza kwaku ine: mungatukanizganga cha: chifukwa ufumu waku Chiuta ngwa twaviyo.

Mateyu 23:36

Nadidi ndikuneniyani, vyose ivi vizenge pa mgonezi uwu.

Mateyu 12:45

Sono uruta ndi utole pamoza nawo mizimu yinkhonde ndi yiŵi yinyake yiheni ku kwakuruska iwo, ndipo yiseremo yijaririya mwenimo: ndipo vyaumari vya munthu yuwa vituŵa viheniku ku vyakudanga vyo. Viyo ndimu so kuŵiyenge ku mgonezi uheni uwu.”

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Luka 9:40

Ndipo ndinguŵeyere ŵasambazi ŵinu kuti ŵautuzgemu, ndipo ŵengavi nthazi.”

Luka 9:42

Ndipo weche kuza iyo, demone yo wangumtesuwa, ndi wangumviviriska viru-viru, kweni Yesu wanguuchenya mzimu wawiyu, ndi wangumchizga mhurwa, ndipo wangumwezge ku wiske.