Luka 9:32 - Tonga Bible 1986

³² Kweni Petro ndi wo ŵapamoza nayo ŵandotanga ndi tulu: kweni ŵanguti ŵaŵa maso, ŵanguwona unkhankhu wake, ndi wo ŵanthurumi ŵaŵi ŵakuma pamoza nayo.

Luka 9:32 Referans Kwoze

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Danyele 8:18

Ndipo penipo wakambanga nane ndenga mu tulo tuzitu ndingusindama chisku changu; kweni wangundiyuska, ndi kundimika.

Danyele 10:9

Viyo ndinguvwa kayowozi ka mazu ghake, ndipo ndinguti ndavwa kayowozi ka mazu ghake ndinguwa pasi kavunama, ndingukoreka ndi tulo tuzitu.

2 Petro 1:16

Chifukwa tengavi kurondo nthanu zakunyengere, tichimziŵiskani nthazi yake ndi uzi wa Mbuyafwe Yesu Kristu, kweni tenga ŵakutimu ndi maso ukuru wake.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yesaya 60:19

Lumwi kuti likaŵanga ukweru winu cha ndi msana nanga mwezi ungaŵala kuti ukapaskanga imwe ukweru cha ndi usiku; kweni Ambuya akaŵanga ukweru winu wa muyaya, ndipo Chiuta winu ndiyu wakaŵanga unkhankhu winu.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

Marko 14:40

Ndipo wachiza so, wanguŵasaniya ŵaratulo, chifukwa maso ghawo ghanguzitiskika ndipo ŵaziŵanga cha cho ŵangamwamuka.