Luka 9:29 - Tonga Bible 1986

²⁹ Ndipo kunguŵa pa warombanga iyo, kaŵiru ka chisku chake kangusanduka, ndipo chivwaru chake chinguŵa chituŵa chakugadima.

Luka 9:29 Referans Kwoze

Mateyu 17:2

Ndipo wangusanduka paurongo pawo, chisku chake chinguwara nge ndi dazi, minjirira yake yinguŵa yituŵa nge mbukweru.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Yesaya 53:2

Pakuti wangukuwa paurongo pakenge nkhamuti kateta, uli ndi msisi wakutuwa pa nyata yakumira; iyo wengavi kawonekedu pamwenga unozgi kuti timulereske, ndipo wengavi kutowa kuti timukhumbe.

Yesaya 33:17

Maso ghinu ghakawonanga karonga mukutowa kwake; ghakawonanga charu chisani ukongwa.

Machitidu gha Ŵakutumika 6:15

Ndipo wose ŵakuteka mu upu wo, pakumudodoliska, ŵanguthoŵa chisku chake ulaka ndi chisku cha mungelo.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Marko 16:12

Ndipo pavuli paku vyenivyo mu kawonekedu kamwenga wanguwoneke ŵaŵi ŵaku wo, ŵachitembeya ndi kuruta ku viŵera.

Luka 3:21

Ndipo kunguŵa, linguti labatizika khamu lo lose, ndi Yesu nayo wati wabatizika ndi wachiromba, kuchanya kungujurika,

Luka 5:16

Kweni mweneko wabisamanga mu mabozwa, ndi warombanga.

Luka 6:12

Ndipo kunguŵa mu mazuŵa yagha kuti wangutuliya ku phiri kwachiromba; ndipo wajariyanga usiku wose mu kuromba Chiuta.

Luka 9:18

Ndipo kunguŵa wachiromba paku yija, ŵasambizi wo ŵenga pamoza nayo: ndipo wanguŵafumba, wakuti, “Mizinda yo yikamba kuti, ndine yani?”

Luka 9:30

Ndipo onani, ŵarongoronga nayo ŵanthurumi ŵaŵi, Mosese ndi Eliya,