Luka 9:18 - Tonga Bible 1986

¹⁸ Ndipo kunguŵa wachiromba paku yija, ŵasambizi wo ŵenga pamoza nayo: ndipo wanguŵafumba, wakuti, “Mizinda yo yikamba kuti, ndine yani?”

Luka 9:18 Referans Kwoze

Luka 11:1

Ndipo kunguŵa, wachiromba mu malo ghakuti, po wangureka, yumoza wa ŵasambizi ŵake wanguti kwaku iyo, “Ambuya, tirunguchizgeni ifwe kuromba, uli ndimo Yohane nayo wanguŵa runguchizgiya ŵasambizi ŵake.”

Mateyu 26:36

Sono watuza Yesu pamoza nawo ku malo ghakuzumbulika Gesemane, ndipo waŵanene ŵasambizi, “Jani penipanu po ine ndiruta kuwa kwachiromba.”

Mateyu 14:23

Ndipo wati wayituzgapo mizinda, wangukwere mu phiri ku udeke kwachiromba. Ndipo kwati kwaŵa mazulo, wenga yija kwenikuwa.

Luka 3:21

Ndipo kunguŵa, linguti labatizika khamu lo lose, ndi Yesu nayo wati wabatizika ndi wachiromba, kuchanya kungujurika,

Luka 6:12

Ndipo kunguŵa mu mazuŵa yagha kuti wangutuliya ku phiri kwachiromba; ndipo wajariyanga usiku wose mu kuromba Chiuta.

Luka 9:19

Ndipo iwo pakwamuka ŵanguti, “Yohane Mbatizi yo; kweni ŵanyake, Eliya; ndi ŵanyake, mchimi yumoza wamwaka wayuka.”

Luka 9:28

Ndipo kunguŵa nge ndi mazuŵa ghakhonde ndi ghatatu pavuli pa makani yagha, kuti wanguto Petro ndi Yohane ndi Yakobe, ndipo wangukwere mu phiri kwachiromba.

Luka 9:29

Ndipo kunguŵa pa warombanga iyo, kaŵiru ka chisku chake kangusanduka, ndipo chivwaru chake chinguŵa chituŵa chakugadima.