Luka 8:8 - Tonga Bible 1986

⁸ Ndipo yinyake yinguwa pa charu chamampha, ndipo yati yame yingupasa vipasi machumi pe chumi.” Wachikamba vyenivi wangukambura, “Wakuŵa ndi makutu kuvwa, wavwe.”

Luka 8:8 Referans Kwoze

Mateyu 11:15

Wakuŵa nagho makutu kuvwa wavwe.

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Marko 4:20

Ndipo yegha ndigho ghakumijika mu nyata yeneko; ŵeniwo wose ŵatuvwa mazu ŵaghoronde, ndi ŵapasa vipasi vya machumi ghatatu, ndi vya machumi ghankhonde ndi limoza, ndi vya machumi pe chumi.”

Marko 4:8

Ndipo yinyake yinguwa mu nyata yeneko, yingume ndi yingukuwa; ndipo yingupasa vya machumi ghatatu, ndi vya machumi ghakhonde ndi limoza, ndi vyamachumi pe chumi.”

Mateyu 13:23

Kweni yo yingumijika pa nyata yamampha, uyu ndi mweniyo ngwakuvwa mazu ndi wakuwamo; mweniyo ndiyu wapasa, ndi wachita, uyu vya machumi pe chumi, uyu vya machumi ghankhonde ndi limoza, uyu vya machumi ghatatu.”

Nthanthi 20:12

Gutu lakuvwa ndi jiso lakuwona, Ambuya akupanga viŵi viyo.

Luka 8:15

Ndipo yo yamu charu cheneko mbeniwo wose pakuvwa mazu, ŵatighakoreska mu mtima uneneska ndi wamampha, ndi ŵapasa vipasi ndi chisisi.

Yeremiya 13:15

Avwani ndi tegherezgani; rekani jujikuzga; pakuti Ambuya akamba.

Nthanthi 8:1

Kumbi kuti zeru yidana cha, kumbi kuwamo kuti kukambura mazu ghake cha?

Chiyambo 26:12

Ndipo Yisaki wangumija mu charu chiya, ndi wanguvuna mu chirimika chenicho machumi pe chumi ghakuwerezgapo. Ambuya angumutumbika,

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

Yeremiya 25:4

Mulivi kuvwiya nanga nkhutegherezga kuti muvwe, chingana Ambuya anguwerezgapo-werezgapo kutuma ŵateŵeti ŵawo wose ŵamchimi,

Marko 4:23

Asani munthu we ndi makutu, kuvwa, wavwe.”

Marko 7:16

Viyo legherezgani asani mwe ndi makutu ghakuvwiya!]”

Luka 8:7

Ndipo yinyake yinguwa mukati mu minga; ndipo minga yo yingumere pamoza nayo, ndipo yinguyifinyirizga.

Luka 14:35

Chingana nkhu charu chingana nkhu chiza kuti ngwakwenere cha; ŵawutaya kubwaro. Yo we ndi makutu kuvwa, wavwe.”

Chivumbuzi 3:6

Mweniyo we ndi gutu, wavwenge cho Mzimu ukamba ku mipingu.’

Chivumbuzi 3:13

Mweniyo we ndi gutu, wavwenge cho Mzimu ukamba ku mipingu.’

Chivumbuzi 13:9

Asani munthu we nalo gutu, wavwenge.