Luka 8:15 - Tonga Bible 1986

¹⁵ Ndipo yo yamu charu cheneko mbeniwo wose pakuvwa mazu, ŵatighakoreska mu mtima uneneska ndi wamampha, ndi ŵapasa vipasi ndi chisisi.

Luka 8:15 Referans Kwoze

ŴaHebere 10:36

Chifukwa mutanere kukunthiyapo, alinga kuti, mwati mwachita khumbu laku Chiuta, mungaronde phanganu lo.

Luka 6:45

Munthu wamampha mu mbiku yamampha ya mtima wake watomu cho nchamampha; ndi mheni nayo mu uheni watomu cho nchiheni: pakuti vyakutuwa mu ufurwi wamu mtima, mlomo wake urongoro.

1 Yohane 2:3

Ndipo mwaku chenichi tiziŵa kuti timziŵa iyo, asani tisunga marangu ghake.

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

ŴaKolose 1:6

uli ndimo mu charu chose ngwakupasiya vipasi ndi kukuliya, viyo so ndimo wachitiya mwaku imwe, kutuwa ku zuŵa lo munguvwiya ndi kuziŵiska wezi waku Chiuta mu uneneska,

Yohane 14:15

“Asani mutindanja, musungenge marangu ghangu.

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

ŴaFilipi 1:11

pakuzazika ndi vipasi vya urunji, vyamwaku Yesu Kristu, ku unkhankhu ndi rumbu laku Chiuta.

ŴaRoma 7:4

Eviyo, mwa ŵabali ŵangu, namwe so mungufiskikiya ku chilangulu cho mu liŵavulo laku Kristu; alinga kuti muŵirwiskike ku munyake yo wanguyuskika ku ŵakufwa, mwakuti tipasiye Chiuta vipasi.

ŴaRoma 6:22

Kweni sono mwati mwafwatulika ku ulakwi, ndi so mwati mwaŵa ŵaŵanda kwaku Chiuta, mwe nacho chipasi chinu kuya ku kupaturika, ndi umari wa umoyo wamuyaya.

Yohane 15:10

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Mateyu 24:13

Kweni wakukunthiyapo mpaka umari, mweniyo wataskikenge.

Marangu 30:6

Ndipo Ambuya Chiuta winu wakachinjanga mtima winu ndi mtima wa mphapu yinu, alinga kuti mukanjanga Ambuya Chiuta winu ndi mtima winu wose, ndi mzimu winu wose, kuti muŵenge ŵamoyo.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

1 ŴaKorinte 7:19

Mchinju wo kuti nkhanthu cha, ndipo uwuramchinju kuti nkhanthu cha; kweni kusunga marangu ghaku Chiuta ndiko.

ŴaRoma 7:18

Chifukwa ndiziŵa kuti mwangu, ndikwesa kuti, mu liŵavu langu kuti kajamo kanthu kamampha cha: pakuti kukhumba kwe nane, kweni kuchita kamampha ko kuti kuliko cha.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Yakobe 1:4

Kweni unkhunthiya wo uŵe ndi nchitu yake yakufiskika, alinga kuti imwe muŵe ŵakufiskika, ŵakupereŵe, mu kanthu kamoza cha.

Yeremiya 32:29

ŴaKaldiya wo ŵaturwa ndi msumba uwu ŵakazanga ndi kupong'a moto pa msumba uwu, kuwocha, ndi zinyumba zo pa mabagha ghake sembe za vyakusunkhizga zaperekeka kwaku Bala ndi mpasku ya vya kumwa yadirikiya ku ŵachiuta ŵanyake, kundisosomole ine ku kukwiya.

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Nthanthi 3:1

Wa mwana wangu, ungaruwanga cha kusambizga kwangu, kweni mtima wako usungenge marangu ghangu;

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Sumu 51:10

Mtima wakutowa mundilenge, A Chiuta, ŵikani mukati mwangu mzimu ufya ndi wakunyoroka.

Luka 8:14

Ndipo yo yakuwa mukati mu minga, mbeniwo ŵavwa, ndipo ŵachiruta ŵafinyirizgika ndi malikweŵeska ndi mausambasi ndi malikondwa gha umoyo, ndi kuti ŵafiska cha.

Luka 8:16

“Ndipo palive munthu, wachikozga nyali, wayivunikiriya ndi chiyaŵi, chingana nkhuti wayiŵika kusi ku chita, kweni wayiŵika pa chikoleru, mwakuti ŵakuseremo ŵawone ukweru wo.

ŴaRoma 8:25

Kweni asani tigomekezga chenicho tirive kuwona ndi chizizipizgu tichilereze.