Luka 8:10 - Tonga Bible 1986

¹⁰ Ndipo iyo wanguti, “Kwaku imwe kwapaskika muziŵa mangari gha ufumu waku Chiuta: kweni ku ŵanyake uneneka mu zintharika, alinga kuti pakulereska ŵangawona cha, ndi pakuvwa ŵangaŵamo cha.

Luka 8:10 Referans Kwoze

Yesaya 6:9

Ndipo iwo anguti, “Ruta, ukakambe ku ŵanthu yaŵa: ‘Kuvwa mutuvwa, kweni kuti muwamo cha; kulereska mulereska, kweni kuti muziŵa cha.’

Marko 4:11

Ndipo waŵaneniyanga, “Kwaku imwe kupaskika mangari gho gha ufumu waku Chiuta: kweni kwaku ŵa ŵakubwaro vinthu vyose vituŵaŵiya mu zintharika:

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Yeremiya 5:21

“Vwani ichi mwa ŵanthu ŵakupusa ndi ŵambura zeru, mwaŵakuwa ndi maso kweni kuti muwona cha, mwa ŵakuŵa ndi makutu, kweni kuti mutuvwa cha.

Yesaya 44:18

Kuti waziŵa cha, chingana nkhuti wateska cha, pakuti wajara maso ghawo, alinga waleke kuwona, ndi zeru yawo, alinga ŵaleke kuwamo.

ŴaKolose 2:2

alinga kuti yikhwimiskike mitima yawo, pakumangana pamoza mu chanju, ndi mu usambasi wose wakuzala wa mziŵiru, kuti ŵaziŵe mangari ghaku Chiuta, ghaku Kristu,

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

Mateyu 16:17

Ndipo Yesu wanguti, “Wakutumbikika ndiwe, Simoni mwana waku Yona, pakuti vinjeru vya munthu kuti vingukuvumbuliya ichi cha kweni Ada wakuchanya.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Marangu 29:4

kweni mpaka msana wale Ambuya alivi kumpaskani muwongo wakuwamo, pamwenga maso ghakuwona, pamwenga makutu ghakuvwa.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

1 ŴaKorinte 12:11

Kweni vyose ivi wachita ndi Mzimu mweniyo yumoza pe, wakugaŵiya we yose uli ndimo wakhumbiya.

Yohane 12:40

“Waburumutuzga maso ghawo, ndipo wanonopeska mtima wawo; vinu ŵangalereska ndi maso ghawo, ndi ŵangawamo ndi mtima wawo, ŵangang'anamukiya kwaku ine ndipo ine ndingaŵachizga.”

Yesaya 29:14

chifukwa cho ehe, ndiwerezgengepo kuchita vinthu vyakuziziswa ndi ŵanthu yaŵa, vyaminthondwe ndi vyakuziziswa; ndipo vinjeru vya ŵanthu ŵawo ŵazeru vikawaranga, ndipo kuteska kwa ŵanthu ŵawo ŵakuteska kukabisikanga.”

Ezekiele 12:2

“Mwana wa munthu, uja mukati mu nyumba ya ŵachigaruka, wo maso ŵenagho, kweni kuti ŵawona cha, makutu ŵe nagho, kweni kuti ŵatuvwa cha;

Marko 4:12

alinga kuti kuwona ŵangawona kweni ŵangawamo cha; vinu kokuli ŵangang'anamuka, ndipo ŵangagowokereka.”