Luka 7:44 - Tonga Bible 1986

⁴⁴ Ndipo pakung'anamukiya ku munthukazi yo, wanguti kwaku Simoni, “Kumbi umwona munthukazi uyu? Ndinguza munyumba yako, maji gha pa marundi ghangu kuti ungundipaska cha: kweni iyo ndi masozi wazumbwiska marundi ghangu, ndipo ndi sisi la mutu wake waghaleska.

Luka 7:44 Referans Kwoze

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

Ŵeruzgi 19:21

Viyo wangumutole mu nyumba yake, ndipo mbunda wanguzipaska kurgha; ŵangusamba marundi ghawo, ŵangurgha ndi kumwa.

Chiyambo 43:24

ndipo penipo yuwa munthu wanguŵaserezga mu nyumba yaku Yosefe ndi wanguŵapaska maji ndi ŵangusamba mu marundi ghawo, ndipo wanguti wapaska gaga ku mbunda zawo,

Chiyambo 19:2

ndi wanguti, “Mwambuya nditukupemphani, patukiyani ku nyumba ya muŵanda winu, mujeku ndi usiku, ndi musambe mu marundi ghinu; pavuli muyuke ndi mlenjelenji ndi kusere ku nthowa mwaŵeni.” Iwo ŵanguti, “Awa, ticherezgenge mu museu.”

Chiyambo 18:4

Ghatoleke maji ghamanavi, ndi musambe marundi ghinu, ndipo mupumuwe mu sina mwa muti uwu,

1 Samuele 25:41

Wangusoka wangukotama chisku chake pasi, ndipo wanguti, “Awonani, ndamteŵeti munthukazi winu nde wanchitu wa mbuyangu.”

Yakobe 2:6

Kweni imwe muyuyuwa mkavu yo. Asi mbasambasi wo ŵasuzga imwe, ndi ŵakuguziyani iwo ku mphara zakwe uzgiya?

2 Samuele 11:8

Sono Davidi wangunena ndi Uriya, “Sikiya ku nyumba yako, ukasambi malundi ghako.” Uriya wangutuwa ku nyumba ya karonga ndipo kungumulondo chawanangwa cha kutuliya ku karonga.

Luka 7:38

wakuma kuvuli ku marundi ghake, wakuliya, wangwanda kuzumbwiska marundi ghake ndi masozi, ndi waghaleskanga ndi sisi la mutu wake, ndipo wafyofyonthanga marundi ghake, ndi waghatukutizganga ndi muro.

Luka 7:43

Wakwamuka, wanguti Simoni, “Ndighanaghana kuti ndiyo kwaku mweniyo wangugowoke chinandi cho.” Ndipo iyo wanguti kwake, “Weruzga kwakurunjika.”

Yohane 13:5

Pavuli wangupunguliya maji mu mbale, sono wangwamba kusambiska marundi gha ŵasambizi, ndi kughaleska ndi chileskeru cho wangujichinyiya nacho.