Luka 7:39 - Tonga Bible 1986

³⁹ Kweni wachiwona vyenivyo muFarisi yo wangumdana, wangunena mwaku yija, kuti, “Mwenuyu, asani wenga mchimi, mphanyi wanguziŵa njani ndi ngwakutinji yo munthukazi mweniyo watumkwaska, kuti ngwakulakwa.”

Luka 7:39 Referans Kwoze

Luka 7:16

Ndipo chopu chinguŵako wose, ndipo ŵakankhuskanga Chiuta, ŵakuti, “Mchimi mura wayuka mwidu: ndipo, Chiuta walingiyapo pa khamu lake.”

Luka 15:2

Ndipo ŵadinginikanga ŵaFarisi nawo ndi wo ŵalembi ŵakuti, “Uyu waronde walakwi, ndipo waturgha nawo.”

Marko 7:21

Chifukwa kutuwa mukati, mu mtima wa munthu, ghatuwa marunguruku ghaheni, mauyaya, maunkhungu, zimbanda, maureŵi,

Yesaya 65:5

ŵeniwo ŵatiti, “Ujiwone wamweni, reka kuza kufupi kwangu, pakuti ndi kuŵikika pakundija kwaku iwe.” Yaŵa ndi usi mu mphunu zangu, moto wo unyeka zuŵa lose.

Yohane 9:24

Viyo ŵangumdana kachiŵi munthu yo wenga wachiburumutiya, ndipo ŵangunena nayo, “Paska unkhankhu kwaku Chiuta: ifwe tiziŵa kuti munthu yo ndi mlakwi.”

Yohane 7:12

Ndipo kwenga dinginiku likuru lasuskanu paku iyo mu mizinda yo; ŵanyake ŵatinge, “Ngwamampha”; kweni ŵanyake ŵatinge “Awa, wapuruska ŵanthu.”

Yohane 4:19

Wamnene munthukazi, “Ambuya ndiwona kuti mwe mchimi imwe.

Luka 18:4

Ndipo kwa nyengo kuti wakhumbanga cha: kweni pavuli po wanguti mwaku yija, ‘Chingana kuti nditopa Chiuta cha, chingana kuti ndiphwere munthu cha;

Luka 16:3

Ndipo mlinda-nyumba yo wangunena mwaku yija, ‘Ndichitenge chine, pakuti mbuya wangu watuzgako kwangu ulinda wo? Kuti nde ndi nthazi cha kukumba mazenji; kupempha ndilenga soni.

Luka 7:37

Ndipo onani, mu muzi mwenga munthukazi, mlakwi; ndipo wachiziŵa kuti wajanga pa kurgha mu nyumba ya muFarisi yo, wanguto supa ya sangarawe ya muro,

Luka 3:8

Viyo pasani vipasi vyakwenere chipe, ndipo munganda cha kunena mwaku mwaŵeni, ‘Dada te nayo Abrahamu’; chifukwa ndikuneniyani, kuti Chiuta ngwanthazi mu mya iyi kuyuskiya ŵana kwaku Abrahamu.

Nthanthi 23:7

pakuti we uli ndi mweniyo waŵerenge mukati. Iyo watiti kwako, “Rghanga ndi kumwa”; kweni mutima wake kuti we pamoza nawe cha.

2 ŴaKaronga 5:20

Gehazi mteŵeti waku Elisha munthu waku Chiuta, wanguti, “Awonani, mbuyangu wamufwatuwa ŵaka Namani mu Siriya uyu pakureka kurondako vyo wanguza navyo. Mo aliri amoyo Ambuya, ndikamuchimbiriyanga, kwachirondako kanthu kwaku iyo.”

Luka 12:17

ndipo wajipimiyanga mwaku yija, wakuti, ‘Ndichitenge chine, pakuti ndirive po nkharonganga vipasi vyangu?’

Mateyu 20:16

Viyo ŵakumariya ŵaŵenge ŵakudanga, ndi ŵakudanga ŵakumariya.”

Mateyu 21:11

Ndipo yanenanga mizinda yo, “Uyu ndi mchimi Yesu, waku Nazarete waku Galilie.”

Luka 7:38

wakuma kuvuli ku marundi ghake, wakuliya, wangwanda kuzumbwiska marundi ghake ndi masozi, ndi waghaleskanga ndi sisi la mutu wake, ndipo wafyofyonthanga marundi ghake, ndi waghatukutizganga ndi muro.

Luka 7:40

Ndipo wakwamuka Yesu wanguti kwaku iyo, “Simoni, nde nako kanthu kukukambiya.” Ndipo iyo wali, “Msambizgi, kambani.”