Luka 7:16 - Tonga Bible 1986

¹⁶ Ndipo chopu chinguŵako wose, ndipo ŵakankhuskanga Chiuta, ŵakuti, “Mchimi mura wayuka mwidu: ndipo, Chiuta walingiyapo pa khamu lake.”

Luka 7:16 Referans Kwoze

Luka 7:39

Kweni wachiwona vyenivyo muFarisi yo wangumdana, wangunena mwaku yija, kuti, “Mwenuyu, asani wenga mchimi, mphanyi wanguziŵa njani ndi ngwakutinji yo munthukazi mweniyo watumkwaska, kuti ngwakulakwa.”

Mateyu 9:8

Kweni, yati yawona mizinda yo, yingopa, ndipo yingumkankhuska Chiuta yo wapaska nthazi yaviyo ku ŵanthu.

Luka 1:68

“Warumbike Mbuya Chiuta waku Yisraele; pakuti walingapo ndi wachitiya uwombozi khamu lake.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Luka 5:26

Ndipo chirwita chinguŵako wose, ndipo ŵakankhuskanga Chiuta; ndipo ŵanguzazika chopu, ŵakukamba kuti, “Tawona vyakutondweska le.”

Luka 2:20

Ndipo ŵaliska ŵanguwe, ŵakukankhuska ndi ŵakuthamika Chiuta paku vyose vyo ŵanguvwa ndi ŵanguwona, nge ndimo kungukambikiya kwaku wo.

Luka 1:65

Ndipo ofi unguŵiya paku wose ŵakuzengezgana nawo: ndipo mu charu chose chaku Yuda ghawandiskikanga ghose makani yagha.

Mateyu 21:11

Ndipo yanenanga mizinda yo, “Uyu ndi mchimi Yesu, waku Nazarete waku Galilie.”

Mateyu 15:31

viyo kuti mzinda wo unguzizwa wachiwona ŵambuwu kurongoro, ŵakupunduka kuŵa ŵanthazi, ŵakuganthiya kwenda, ndi ŵachiburumutiya kulereska: ndipo ŵangumkankhuska Chiuta waku Yisraele.

Sumu 65:9

Muchezga ndi charu chapasi pakuchipaska vuwa, mwachisambisiska ukongwa ndi nyata, msinji waku Chiuta ngwakuzaza ndi maji; murongoso mbutu yawo, nadi mutiyirongoso.

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

ŴaGalatia 1:24

Ndipo yamkankhuskiyanga Chiuta mwaku ine.

Machitidu gha Ŵakutumika 5:5

Ndipo Hananiya pakuvwa mazu yagha, wanguwa pasi ndipo wanguziririka: ndipo chopu chikuru chinguwiya wose wo ŵavwanga.

Yohane 9:17

Viyo ŵangumfumba wachiburumutiya, “Iwe utitinji ndi iyo, po wabanuwa maso ghako?” Iyo wanguti, “Ndi mchimi.”

Yohane 6:14

Viyo ŵachiwona wo ŵanthu chisimisimi cho wanguchita, ŵatinge, “Nadidi, mwenuyu ndi mchimi yo watuza mu charu.”

Yohane 4:19

Wamnene munthukazi, “Ambuya ndiwona kuti mwe mchimi imwe.

Yohane 1:25

Ndipo wangumfumba, “Na ubatiziyanji asani iwe kuti ndiwe Kristu cha, chingana ndi Eliya chingana ndi mchimi yo?”

Yohane 1:21

Ŵangumfumba, “Na uli? Kumbi ndiwe Eliya?” Ndipo wali, “Kuti ndine iyo cha.” “Kumbi ndiwe mchimi?” Ndipo wangwamuka, “Awa!”

Luka 24:19

Ndipo wanguti kwaku wo, “Vinthu uli?” Ndipo iwo wangumunene, “Vyapaku Yesu waku Nazarete, mweniyo wenga munthu mchimi wanthazi mu nchitu ndi mu mazu paurongo paku Chiuta ndi khamu lo lose.

Luka 9:19

Ndipo iwo pakwamuka ŵanguti, “Yohane Mbatizi yo; kweni ŵanyake, Eliya; ndi ŵanyake, mchimi yumoza wamwaka wayuka.”

Luka 8:37

Ndipo urapasi wose wa charu chakuzunguliya cha ŵaGerasa ungumuŵeyere kutuwako kwawo; pakuti ŵangukoleka ndi chopu chikuru: ndipo wangusere mu chombo, ndi wanguwe.

Luka 5:8

Kweni wachiwona, Simoni Petro wanguwa pa makongono ghaku Yesu, wakunena, “Tuwaniko kwangu, pakuti ndine munthu wakulakwa, Ambuya.”

Mateyu 28:8

Ndipo ŵangutuwako ruŵi ku muunda ndichopu ndi chimwemwe chikuru; ŵanguchimbiya kwachitauliya ŵasambizi ŵake.

Machitidu gha Ŵakutumika 7:37

Mwenuyu ndi Mosese yo wanguti ku ŵana ŵaku Yisraele, ‘Chiuta wamkukuyuskiyani mchimi wamu ŵabali ŵinu, uli ndimo Wanguyuskiya ine.’

Luka 19:44

ndi ŵakuskesketenge ndi twana twako mwako; ndipo kuti ŵasiyengemo mwako cha mwa pa mwa; chifukwa kuti unguziŵa cha nyengo yo ya chilereze chako.”

Marangu 18:15

“Ambuya Chiuta winu wakamuyuskiyaninga mchimi uli ndine mukati mwinu, kutuwa mu ŵabali ŵinu. Mukaphwerenga mweniyo.

Luka 7:15

Ndipo wakufwa yo wanguja songa, ndipo wangwamba kurongoro. Ndipo wangumpaska ku ŵanyina.