Luka 6:28 - Tonga Bible 1986

²⁸ tumbikani wo ŵakutembani ŵarombiyeni wo ŵakuparamulani.

Luka 6:28 Referans Kwoze

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

1 ŴaKorinte 4:12

titakataka ndi manja ghaku taŵeni. Po titokoskeka, ifwe titumbika; po tiŵembeka, ifwe tikunthiyapo;

ŴaRoma 12:14

Ŵatumbikeni ŵeniwo ŵakuŵembani; tumbikani, ndi mungatemba cha.

Yakobe 3:10

mu mlomo weniwo pe mutuliya thumbiku ndi thembu! Mwa ŵabali ŵangu, vyenivi kuti vitenere kuŵa viyo cha.

Luka 23:34

Ndipo Yesu wanguti, “Ada, ŵarekeni chifukwa kuti ŵaziŵa cha cho ŵachita.” Ndipo pakugaŵana minjirira yake, ŵangupong'a mphenduzga.

Luka 6:27

“Kweni ndikuneniyani mwaŵakuvwa, muŵanje ŵamawongu ŵinu, chitiyani umampha wo ŵakukutinkhani,

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Machitidu gha Ŵakutumika 14:5

Ndipo penipo chinguŵapo chiduma cha ŵaMitundu ndi so cha ŵaYuda pamoza ndi ŵara ŵawo, kwachiŵachitiya nkhaza, ndi kuŵapong'a mya,

Ezekiele 36:5

chifukwa cho Ambuya Chiuta atiti: Mu kufya kwa sanji yangu ndirongoro, kumikana ndi ŵakujako ŵa ŵamitundu ndi Edomu yose, wo ŵangujipaska charu changu nge nchihara mu likondwa lose ndi mtima wakuyuyuwa, mwakuti chiŵi chihara chawo ndi kuchiskowa.

Ezekiele 25:15

“Viyo atiti Ambuya Chiuta: Chifukwa ŵaFilisti ŵanguchita mwa thayu, ŵanguwezge thayu ndi kunyoza kwa mtima kuti ŵaparghang'e mu kutinkha kwambura kumara;

1 ŴaKaronga 13:6

Ndipo karonga wanguti ku munthu waku Chiuta, “Ndiŵeyerere wezi wa Ambuya Chiuta wako, undirombe, kuti janja langu liweriyemo.” Ndipo munthu waku Chiuta wanguŵeyere Ambuya; janja la karonga linguweriyamo, ndipo linguŵa uli ndimo lenge pakudanga.