Luka 6:22 - Tonga Bible 1986

²² “Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

Luka 6:22 Referans Kwoze

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

1 Petro 3:14

Kweni asani mungakomwa pa chifwa cha urunji, mweŵamwaŵi; viyo mungopanga chofyu chawo, ndipo mungatenthemeskeka cha.

Yohane 16:2

Wamkukusezgani ku masinagoge: inya, lituza ora, la kuti yose wakukubayani imwe wapimenge kuti wateŵete Chiuta.

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Yohane 12:42

Ndikweni chingana ndimu ŵara ŵanandi ŵanguvwana mwaku iyo; kweni chifukwa chakopa ŵaFarisi wo reka ŵatondekanga kumzomera pakweru vinu wangasezgeka ku sinagoge:

Yesaya 65:5

ŵeniwo ŵatiti, “Ujiwone wamweni, reka kuza kufupi kwangu, pakuti ndi kuŵikika pakundija kwaku iwe.” Yaŵa ndi usi mu mphunu zangu, moto wo unyeka zuŵa lose.

Machitidu gha Ŵakutumika 24:5

Chifukwa tikumsaniya munthu mwenuyu kuŵa chideru, ndi wakuyuska vivurupi mu ŵaYuda wose ŵamu charu chose, ndi chirongozgi wa pambuku la ŵaNazarete:

Machitidu gha Ŵakutumika 9:16

chifukwa nkhamurongonga vyo vyose kutenere iyo kukunthiyapo pa chifwa cha zina langu.”

Yohane 17:14

Ine ndaŵapaska mazu ghinu; ndipo charu cho chaŵatinkha, pakuti kuti mba charu cha, nge ndimo ine ndiriri wa charu cha.

Luka 21:17

Ndipo muŵenge ŵakutinkhika ndi wose chifukwa cha zina langu.

Mateyu 10:39

Yo wasaniya umoyo wake, wawutayenge; ndipo wakutaya umoyo wake pa chifukwa chaku ine, wawusaniyenge.

Machitidu gha Ŵakutumika 22:22

Ndipo ŵamuvwanga mpaka pa mazu gho; ndipo ŵangusamphuska mazu, ŵakuti, “Mtuzgepo pa charu waviyo: chifukwa kuti kuyamu cha kuti waje wamoyo!”

Yohane 9:34

Wangumwamuka, “Iwe ungupapika mu vilakwa kosekose, ndipo kumbi usambizga ifwe?” Ndipo ŵangumdikiya kubwaro.

Luka 20:15

Ndipo ŵanguti ŵamumbwefuliya kubwaro ku munda wamphereska, ŵangumbaya. Na, mwenimunda yo waŵachitiyenge chine?

Mateyu 10:18

ndipo so ku zinduna ndi ŵakaronga mutolekiyenge pa chifwa chaku ine, kwachiŵiya iwo ndi ŵaMitundu chisimikizgu.

Luka 6:21

“Mwe ŵamwaŵi mwaŵanja sono; pakuti mugutiskikenge. “Mwe ŵamwaŵi ŵakuliya sono; pakuti musekenge.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.