Luka 6:20 - Tonga Bible 1986

²⁰ Ndipo iyo, pakuyinuskiya maso ghake pa ŵasambizi ŵake, wanguti, “Mwe ŵamwaŵi mwaŵakavu; pakuti ngwinu ufumu waku Chiuta.

Luka 6:20 Referans Kwoze

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Chivumbuzi 2:9

“ ‘Ndiziŵa suzgu yako ndi ukavu wako (kweni ndiwe msambasi!) ndiziŵa mtonyoro wa ŵakujitamula kuti mbaYuda, po kuti mbaviyo cha, kweni mbampingu waku Satana.

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

Zefaniya 3:12

Chifukwa ndisiyenge mukati mwako ŵanthu ŵakuzika ndi ŵakujiyuyuwa. Ŵakapenjanga chiphokwelu mu Ambuya.

Yesaya 29:19

Ŵakuzika ŵakarondanga chimwemwe chifya mu Ambuya, ndipo ŵasauchi mukati mu ŵanthu ŵakakondwanga mu Mtuŵa Yumoza yo waku Yisraele.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

2 ŴaTesalonika 1:5

Ivi nchirongoleru cha cheruzgu chirunji chaku Chiuta, alinga kuti mwenereskeke ufumu waku Chiuta, weniwo musuzgikiyapo,

1 ŴaTesalonika 1:6

Ndipo imwe munguŵa wakwezga ifwe ndi Ambuya, munguti mwaronde mazu mu suzgu yikuru, pamoza ndi chimwemwe cha Mzimu Wakupaturika;

2 ŴaKorinte 8:2

Mwakuti, mu kweseka kukuru kwa suzgu, uzariwa chimwemwe chawo mu ukavu weniukuru wafurwiya mu usambasi wa wanangwa wawo.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Luka 14:15

Ndipo wanguti wavwa vyenivi yumoza wa ŵakujariya pamoza nayo, wangunena nayo, “Ngwamwaŵi yose yo wamkurgha chiŵande mu ufumu waku Chiuta.”

Luka 13:28

Eko kuŵenge chilirizi ndi kukekechuwa kwa minyu, penipo mwamuwona Abrahamu, ndi Yisaki, ndi Yakobe, ndi ŵamchimi wose, mu ufumu waku Chiuta, kweni imwe kupong'eka kubwaro.

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Zekariya 11:11

Viyo lingusweka mu zuŵa leniliya ndipo ŵakugula mberere, wo ŵalereskanga ine ŵanguziŵa kuti ghenga mazu gha Ambuya.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Nthanthi 19:1

Wamamphaku ndi munthu mukavu mweniyo watenda mu ukongorekwa, kwakuruska munthu mweniyo ngwakurandizga mu kurongoro ndipo ngwakupusa.

Nthanthi 16:19

Nkhwamamphaku kuŵa ndi mzimu wakujiyuyuwa pamoza ndi ŵasauchi, kwakuruska kugaŵana vyachiskoŵa ndi wakukondwa.

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.

Luka 16:25

Kweni Abrahamu wanguti, ‘Wamwana, kumbukanga kuti unguronde vyamampha vyako mu umoyo wako, ndi Lazaro nayo viheni: kweni sone panu wasangaruskika iyo, kweni iwe urumwiskika.

Sumu 37:16

Tumanavi to wenato murunji nthwamampha kwakuruska vya uzari vya ŵaheni ŵanandi.

Mateyu 5:1

Ndipo pakuwona mizinda yo, Yesu wangukwera pa phiri lo, ndipo wati waja pasi, ŵanguza kwaku iyo ŵasambizi ŵake,