Luka 4:8 - Tonga Bible 1986

⁸ Ndipo wakwamuka Yesu wanguti kwaku iyo, “Kwalembeka, ‘Ulambiyenge Mbuya Chiuta wako, ndipo iyo pe yija umsopenge.’ ”

Luka 4:8 Referans Kwoze

Marangu 6:13

Muŵawope Ambuya Chiuta winu, ndi kuŵateŵete, ndi kurapa ndi zina lawo.

Marangu 10:20

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Chivumbuzi 22:9

Ndipo wali kwaku ine, “Awa, na! Ndine muŵanda munyako ndi so wa ŵabali ŵako ŵamchimi wo, ndi waku wo Wasungirizga mazu gha buku lenili. Mlambiye Chiuta.”

Yakobe 4:7

Viyo jithereskiyeni kwaku Chiuta: kweni mikiranani ndi diabolo yo, ndipo wathaŵenge imwe.

Luka 4:4

Ndipo Yesu wangwamuka kwaku iyo, “Kwalembeka, kuti, ‘Munthu wajariyenge wamoyo ndi chiŵande chija pe cha.’ ”

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

1 Petro 5:9

Mikiranani nayo ndi kukhwima mu chivwanu chinu, pakuziŵa kuti vyakukomwa vyenivyo pe vifiskikiya mu ŵabali ŵinu ŵamu charu.

Mateyu 16:23

Kweni wati wang'anamuka, wangumunene Petro, “Kanga kuvuli kwangu, Satana; ndiwe guŵisku kwaku ine chifukwa kuti we kuchiri kwaku Chiuta cha kweni ku ŵanthu.”

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

2 ŴaKaronga 19:15

Ndipo Hezekiya wanguromba paurongo pa Ambuya, wanguti, “Ambuya mwe Chiuta waku Yisraele imwe mukujarikika pachanya pa maKerubi, imwe ndimwe Chiuta, ndimwe pe mwija, pa maufumu ghose gha charu chapasi; imwe mukulenga kuchanya ndi pasi.

Luka 4:7

Viyo asani iwe ulambiyenge pa chisku changu, vyose viŵenge vyako.”