Luka 3:17 - Tonga Bible 1986

¹⁷ chipepeteru chaku mweniyo che mu janja lake, wapepeteskenge mbuli wake, ndi warongenge trigu mu nkhonkwe yake; kweni mwere wochenge ndi moto wambura mazimwika.”

Luka 3:17 Referans Kwoze

Mateyu 13:30

Virekeni vyose viŵi vikuliye pamoza mpaka chivuna: ndipo mu nyengo ya kuvuna ndiŵaneniyenge ŵakuvuna, Unjikani danga maduru, ghamangeni nchindanchinda kwachighocha: kweni trigu yo rongani mu nkhokwe yangu.’”

Mika 4:12

Kweni kuti ŵaziŵa cha maghanaghano gha Ambuya; kuti ŵawamu cha nanga ndi fundu yawo, kuti aŵawunjika nge ndinchinda pa lwaniko.

Yeremiya 15:7

Ndaŵapepeta ndi chakupepete mu malikomo gha charu; ndaŵapaska chitima chanyifwa, ndaparghang'a ŵanthu ŵangu; ŵalivi kuweko ku nthowa zawo.

Sumu 1:4

Waheni kuti ŵe viyo cha, kweni ŵe nge ndi mwere wo mphepo yiputiska.

Mateyu 3:12

Mweniyo chipepeteru chake che mu janja lake, wakatoweskanga mbuli wake; ndi kuwunjika trigu wake mu nkhokwe, kweni wamukocha mwere ndi moto wambura mazimwika.”

Yesaya 30:24

ng'ombe ndi mbunda zo zilima nyata zikarghanga kurgha kwa muche, ko kwapepeteka ndi lipalu ndi beseni.

Luka 3:18

Ndipo viyo ndi machichizgu ghanyake ghanandi watauliyanga khamu lo makani ghakunozga.