Luka 24:50 - Tonga Bible 1986

⁵⁰ Ndipo wanguŵarongozge kubwaro mpaka kuthoŵana ndi Betaniya: ndipo wanguti wasoska manja ghake, wanguŵatumbika.

Luka 24:50 Referans Kwoze

Machitidu gha Ŵakutumika 1:12

Sono ŵanguwere ku Yerusalemu kutuwa ku phiri lo lizumbulika Olivete, lo le kufupi ku Yerusalemu, rwendo lapa sabata.

Mateyu 21:17

Ndipo wanguŵasiya wangutuwa ku msumba, wanguruta ku Betaniya, ndipo wangugona kweniko.

Chiyambo 49:28

Wose yaŵa ndiwo mitundu chumi ndi yiŵi yaku Yisraele; ndipo ichi ndicho wangukamba uskeu kwaku wo wachiŵatumbika wachitumbika yumoza ndi yumoza ndi chitumbiku chakumwenere.

Marko 11:1

Ndipo wachiŵandikiya ku Yerusalemu ku Betefage ndi Betaniya, pa phiri la Olivete, wangutuma ŵaŵi ŵa ŵasambizi ŵake.

Marko 10:16

Ndipo wangutupakata, ndi wangututumbika ndi kuŵika paku to manja ghake.

Chiyambo 48:9

Yosefe wanguti ku wiske, “Yaŵa mbana ŵangu wo Chiuta wakundipaska kuno.” Ndipo iyo wanguti, “Yiza nawo kwangu, nditukupempha, alinga ndiŵatumbike.”

Chiyambo 27:4

ndipo undirongosole kurgha kwakununkhira, ulaka ndiko nditanja, ndipo uze nako kwangu kuti ndirghe; alinga ndikutumbike ndenga ndindafwe.”

ŴaLevi 9:22

Pavuli Aroni wangusoske manja ghake kurata ku ŵanthu, wanguŵatumbika, ndipo wangusika po wanguti wamara kupereka mpasku wapa ulakwi, ndi mpasku wakocha ndi mipasku ya chimangu.

Yoswa 22:6

Viyo Yoswa wanguŵatumbika, wanguwawezga; ndipo ŵanguwere ku mizi yawo.

Luka 24:51

Ndipo kunguŵa, weche kuŵatumbika iyo, wangupatukako kwaku wo, ndipo wanyamulikiyanga kuchanya.

Machitidu gha Ŵakutumika 1:9

Ndipo wanguti wakamba mazu yagha, ŵachilereska iwo, wangutoreke kuchanya; ndipo mtambo ungumronde ku maso kwawo.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.