Luka 24:44 - Tonga Bible 1986

⁴⁴ Ndipo wanguti kwaku wo, “Agha ndi mazu ghangu ghenigho ndingurongoro namwe, ndenga ndeche pamoza namwe, ghakuti, nkhwakwenere vifiskike vinthu vyose vyakulembeke paku ine mu langulu laku Mosese, ndi mu ŵamchimi ndi mubuku la Sumu.”

Luka 24:44 Referans Kwoze

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Machitidu gha Ŵakutumika 13:33

ichi Chiuta wachifiskiya kwaku ifwe taŵana ŵawo pakumyuska Yesu: mo kwalembeke mu Sumu ya chiŵi, ‘Iwe we Mwana wangu, ine le ndakupapa,’

Luka 9:22

wakuti, “Kutenere Mwana wa munthu kukomwa vinandi, ndi kukanika ndi ŵara ndi ŵazukuru ŵara ndi ŵalembi, ndi kubayika, ndi pa zuŵa lachitatu kuyuskika.”

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

ŴaHebere 10:1

Chifukwa, pakuti dangu lo le ndi chizgezge cha vyamampha vyo vituza, chikozgu cheneko cha vinthu vyo cha, muyaya liuravi nthazi ndi visopu vyenivyo pe, vyo chirimika ndi chirimika ŵapereke rutaruta, kuŵafiska ŵakuŵandikako.

Yohane 5:46

Chifukwa asani mwavwananga ndi Mosese mphanyi mwavwana ndi ine; chifukwa wangulemba iyo vya paku ine.

Zekariya 6:12

ukambe nayo kuti, ‘Viyo atiti Ambuya ŵa maŵanja, “Wona, munthu yo zina lake ndi Mphanda; chifukwa wakakuwanga mu malo ghake, ndipo wakazenganga kasopi wa Ambuya.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

Sumu 118:22

Mwa wo ŵazengi ŵanguwupata ndiwo wazgoka mutu wa nyondo.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Ezekiele 34:23

Ndikamikanga pachanya pawo mliska yumoza, mteŵeti wangu Davidi, ndipo wakaziliskanga: wakaziliskanga ndi kuŵa mliska wawo.

Yesaya 52:13

Ehe, mteŵeti wangu wakasakatanga, wakakwezgekanga ndi kunyamulikiya pachanya, wakaŵanga pachanya ukongwa.

Chiyambo 22:18

Ndipo mu mphapu yako mitundu yose ya charu chapasi yitumbikikenge chifukwe wavwiya mazu ghangu.”

ŴaHebere 9:8

Mzimu Wakupaturika nayo wakusimikizga chenichi, chakuti nthowa ya ku malo ghakupaturika yindarongoleke, cheche kuma chihema chakudanga oho,

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Zekariya 14:4

Mu zuŵa lo marundi ghake ghamenge pa Phiri la Maolivi, lo le panthazi pa Yerusalemu ku atuli gha dazi, ndipo Phiri la Maolivi ligaŵikenge paŵi, kutuwa ku vuma mpaka ku zambwe ndi dambo lisani ukongwa; viyo chigaŵa cha phiri chinderenge ku nkhonde, ndi chinyake ku mwera.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Ezekiele 17:22

Viyo atiti Ambuya Chiuta: “Ine ndamwene ndikatongako mphunu ya songo yakutefwatefwa ya mlanji ndikayimikanga; ndikafyonga kusongo yiko kwa mphanda zake ziteta, ndipo ine ndamwene ndikayipandanga pachanya pa phiri litali lakuzonthoka;

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Maŵerengedu 35:25

ndipo wumba ukataskanga mubaya munthu yo mu janja laku muwezge nduzga ndopa, ndipo wumba umuwezgiyenge ku muzi wake wakupozomokiyamo, ko wangathaŵiya, ndipo wakajanga mwenimuwa mpaka penipo mzukuru mura yo wangupakika ndi mafuta ghakupaturika wafwa.

Maŵerengedu 21:8

Ndipo Ambuya angunena ndi Mosese, “Uchite njoka ya moto, uyipayike pachanya pa muti; ndipo we yose yo walumika asani wayilereska, wakaŵanga wamoyo.”

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Yohane 3:14

Nge ndimo Mosese wangusoske njoka yamu bozwa, viyo kutenere Mwana wa munthu kusoskeka:

Luka 24:46

ndipo wanguti kwaku wo, “Viyo kwalembeka, kuti Kristu wakomwe, ndi wayuke so ku ŵakufwa pa zuŵa lachitatu;

Yeremiya 33:14

“Ehe, mazuŵa ghakazanga, atiti Ambuya, penipo ndazamufiska phanganu lenilo ndingupangana ndi Yisraele ndi Yuda.

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Chiyambo 14:18

Ndipo Melkizedeke karonga wa Salemu wanguza ndi viŵande ndi vinyo; wenga mzukuru waku Chiuta Wapachanya Limu.

ŴaHebere 7:1

Pakuti mwenuyu Melkizedeke, karonga waku Salemu, mzukuru waku Chiuta wamdengwedi, mweniyo wangukumana ndi Abrahamu wachiwe ku kubaya ŵakaronga, ndi wangumtumbika,

ŴaHebere 3:5

Ndipo Mosese nadi wenga wamagomekezgeka mu nyumba yake yose nge ngwakuteŵeta, kuti waŵe kaboni waku vyo vitakambikanga;

Machitidu gha Ŵakutumika 7:37

Mwenuyu ndi Mosese yo wanguti ku ŵana ŵaku Yisraele, ‘Chiuta wamkukuyuskiyani mchimi wamu ŵabali ŵinu, uli ndimo Wanguyuskiya ine.’

Luka 22:37

Chifukwa ndikuneniyani, kuti chakulembeka chenichi chitene kufiskikiya mwaku ine, ‘Wangupendeke pamoza ndi ŵaziradangu:’ chifukwa so cho cha paku ine che nawo umari.”

Luka 21:22

Pakuti yagha ndi mazuŵa gha thayu kuti vifiskike vyose vyakulembeka.

Luka 9:44

“Imwe mujiŵikiye mu makutu ghinu mazu yagha; chifukwa Mwana wa munthu wakhasa kuperekeka mu manja gha ŵanthu.”

Mateyu 26:56

Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.

Mateyu 26:54

Kweni na ghangafiskika uli malembo gho, kuti kutenere kuŵa viyo?”

Mateyu 16:21

Kwanda pa nyengo yeniyiya Yesu wangwamba kurongo ŵasambizi ŵake kuti kutenere iyo kuruta ku Yerusalemu, ndi kuvwiyapo vinandi ku ŵara ndi ŵazukuru ŵara ndi ŵalembi kubayika, ndipo pa zuŵa lachitatu kuyuskika so.

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

1 Petro 1:11

pakupenja nyengo ninji pamwenga yakutinji Mzimu waku Kristu wamwaku iwo warongonga, uchisimikizgiya limu vyakukomwa vyaku Kristu, ndi maunkhankhu gha pavuli paku vyo.

Machitidu gha Ŵakutumika 3:18

Kweni vyenivyo Chiuta wangutauliya limu mu milomo ya ŵamchimi wose, kuti Kristu wake wakomwenge, wafiska iyo viyo.

Marko 9:31

Chifukwa wasambizganga ŵasambizi ŵake, kuŵanene, “Kuti Mwana wa munthu waperekekenge mu manja gha ŵanthu, ndipo ŵambayenge; ndipo wati wabayika, pavuli pa mazuŵa ghatatu wakayukanga.”

Mateyu 1:22

Ndipo ichi chose chaŵapo, alinga kuti ghafiskike gho Ambuya akukamba mu mchimi yo, kuti,

Machitidu gha Ŵakutumika 2:27

Chifukwa kuti mwamjowo mzimu wangu mu Hadesi cha, chingana nkhuti mwampaska Wakupaturika winu kuwona chivuzi cha.

Machitidu gha Ŵakutumika 13:40

Viyo cheŵani, vinu chingaziya paku imwe cho chingukambika mu ŵamchimi wo: