Luka 24:32 - Tonga Bible 1986

³² Ndipo ŵangunenerana, “Asi mtima widu wakolenga mwidu, po wakambiyanga nafwe mu nthowa, po wabanuliyanga ifwe malembo gho?”

Luka 24:32 Referans Kwoze

Luka 24:45

Sono wangubanuwa chinjeru chawo kuwamo mu malembo gho;

ŴaHebere 4:12

Chifukwa ngamoyo mazu ghaku Chiuta, ndi ngakuchita, ndingakuthwa kwakuruska lipanga lose la uyi kosekose, ndipo ghaporota mpaka ku mugaŵiru wa umoyo ndi mzimu, ndi marunga ndi mdinthi, ndi ngapusu kuteska maghanagha nondi maknumbu gha mtima.

Yeremiya 23:29

Kumbi mazu ghangu kuti ghakozgana ndi moto cha, kumbi kuti ghakozgana ndi nyundu yo yituswa jarawi tumanatumana cha?

Yeremiya 20:9

Asani ndititi, “Kuti ndikamuzumbuwanga cha, pamwenga kuchima so mu zina lake,” mu mtima wangu muchita nge mwe moto wakukole wo wajarikiya mu viwanga vyangu, ndipo ndavuka kuwusunga mukati, viyo kuti ndingaziŵa kujiko cha.

Sumu 39:3

Mtima wangu ungufunda mukati mwangu, ndichirunguruka, moto ungukole; sono penepo ndingukamba ndi lilime langu:

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Nthanthi 27:17

Chisulo chinora chisulo, ndi munthu yumoza wanora munyake.

Yohane 6:63

Mzimu ngwakupaska umoyo; liŵavu kuti litu vya kanthu cha; mazu gho ndarongoro namwe ndigho mzimu, ndipo ndigho umoyo.

Machitidu gha Ŵakutumika 28:23

Ndipo ŵanguti ŵamteme zuŵa, ŵanguza kwake mu chitandara chake ŵanandi; kwaku wo wangupatauliya makani gho, wakusimikizga ufumu wo waku Chiuta, ndi wakuŵakope vyapaku Yesu, vyakutuwa ku langulu laku Mosese ndi ku ŵamchimi kwanda ku mlenji mpaka ku mazuro.

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.

Sumu 104:34

Mphanyi Ambuya akondwa ndi sumu yangu, chifukwa atindikondweska.

Nthanthi 27:9

Mafuta ndi vyachema vikondwereska mtima, kweni mzimu uparuka ndi suzgu.

Marko 4:34

kweni kwambura ntharika kuti wangurongoro nawo cha: kweni ku ubende wasambizi ŵake waŵafwatuliyanga vyose.