Luka 24:27 - Tonga Bible 1986

²⁷ Ndipo pakwandiya paku Mosese ndi paku wose ŵamchimi wo, wanguŵang'anamuliya mu malembo ghose vyo vyapaku iyo yija.

Luka 24:27 Referans Kwoze

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Luka 24:44

Ndipo wanguti kwaku wo, “Agha ndi mazu ghangu ghenigho ndingurongoro namwe, ndenga ndeche pamoza namwe, ghakuti, nkhwakwenere vifiskike vinthu vyose vyakulembeke paku ine mu langulu laku Mosese, ndi mu ŵamchimi ndi mubuku la Sumu.”

Marangu 18:15

“Ambuya Chiuta winu wakamuyuskiyaninga mchimi uli ndine mukati mwinu, kutuwa mu ŵabali ŵinu. Mukaphwerenga mweniyo.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Machitidu gha Ŵakutumika 10:43

Kwaku mweniyo ŵamchimi wose ŵasimikizgiya, kuti yose wakuvwana mwaku iyo warondenge mu zina lake chireke cha vilakwa.”

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Yohane 1:45

Filipu wangusaniya Natanaele, wangumnene, “Tamsaniya yo Mosese wangulemba pake mu langulu ndi so ŵamchimi, Yesu waku Nazarete, mwana waku Yosefe.”

Chiyambo 22:18

Ndipo mu mphapu yako mitundu yose ya charu chapasi yitumbikikenge chifukwe wavwiya mazu ghangu.”

Yesaya 50:6

Ndingung'anamukiya msana wangu ku wakupuma, ndi matama ghangu kwaku wo ŵanguguza mwembe, ndengavi kubisa chisku changu ku chilengesku ndi kukufunyika mata.

Luka 24:25

Ndipo iyo wanguti kwaku wo, “Mwaŵazira kuwamo ndi ŵachizita mu mtima, kuvwaniya mwaku vyose vyenivyo ŵangurongoro ŵamchimi wo!

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Sumu 132:11

Munguchita phanganu lakukho kwaku Davidi, ndipo kuti mukalituzgangapo cha: “Yumoza wa ŵana ŵako ndimuŵikenge pa chitengo chako.

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Machitidu gha Ŵakutumika 7:37

Mwenuyu ndi Mosese yo wanguti ku ŵana ŵaku Yisraele, ‘Chiuta wamkukuyuskiyani mchimi wamu ŵabali ŵinu, uli ndimo Wanguyuskiya ine.’

Ezekiele 34:23

Ndikamikanga pachanya pawo mliska yumoza, mteŵeti wangu Davidi, ndipo wakaziliskanga: wakaziliskanga ndi kuŵa mliska wawo.

Ezekiele 37:25

Wakajanga mu charu cho ŵangujamo auskemwe cho ndingupaska mteŵeti wangu Yakobe; iwo, ndi ŵana ŵawo, pamoza ndi ŵana ŵa ŵana ŵawo ŵakajanga mwaku cho muyaya; ndipo Davidi mteŵeti wangu wakaŵanga fumu yawo muyaya.

Machitidu gha Ŵakutumika 3:24

Ndipo ŵamchimi wose kutuwa kwaku Samuele ndi ŵapavuli pake, wo wose ŵarongoro ŵanguloska nawo so mazuŵa yagha.

Machitidu gha Ŵakutumika 3:22

Mosese nadi wanguti, ‘Mbuya Chiuta wamyuskiya imwe mchimi mu ŵabali ŵinu ulaka ndine; mweniyo muvwiyenge mwaku vyose vyo wamkukukambiyani.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Maŵerengedu 21:14

Rekani kukukambika mu Buka la Zinkhondo za Ambuya. “Wahebe mu Sufa, ndi madambo ghaku Arnoni,

Marangu 1:45

Ndipo munguweko ndikuliya pa maso gha Ambuya, kweni kuti anguvwa mazu ghinu cha, chingana nkhutegherezgako kwaku imwe.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Yesaya 8:17

Ndikarindizganga Ambuya, wo abisa chisku chawo ku nyumba yaku Yakobe, ndipo ndikagomekezganga mwaku iwo.

Yesaya 9:1

Kweni kuti kukaŵanga mdima cha kwaku yo wenga mu suzgu. Mu nyengo ya kale wangunyoza charu cha Zubuluni ndi charu cha Naftali, kweni mu nyengo ya pavuli wakakankhuskanga nthowa yakuya ku nyanja, charu cha kusirgha ku Yordane, Galile wa ŵamitundu.

Mika 5:6

Iwo ŵakausanga charu cha Asiriya ndi lipanga ndi charu chaku Nimirodi ndi lipanga lakukhwetuwa; ndipo ŵakatitaskanga ku ŵaAsiriya po ŵatuza mu charu chidu ndi kukanda mu mphaka zidu.

Marko 4:34

kweni kwambura ntharika kuti wangurongoro nawo cha: kweni ku ubende wasambizi ŵake waŵafwatuliyanga vyose.

Yohane 5:37

Ndipo Dada yo wandituma, ndiyo warongorore mwaku ine. Inwe kuti mukuvwapo mazu ghake cha, kuti mukuwonapo chisku chake cha;

Yohane 12:41

Vyenivi wangukamba Yesaya, pakuti wanguwona unkhankhu wake; ndipo wangurongoro vyapaku iyo.

Machitidu gha Ŵakutumika 3:18

Kweni vyenivyo Chiuta wangutauliya limu mu milomo ya ŵamchimi wose, kuti Kristu wake wakomwenge, wafiska iyo viyo.

Machitidu gha Ŵakutumika 8:35

Ndipo Filipu, pakujura mlomo wake ndi pakwambako ku lembo lo, wangumtauliya Yesu.