Luka 23:33 - Tonga Bible 1986

³³ Ndipo penipo ŵangufika pa malo, gho ghatamulika Kalvare, po ndipo ŵangumpayika, ndi ŵakuchita uheni wo, uyu ku marghe, ndi uyu ku maze.

Luka 23:33 Referans Kwoze

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

Yohane 18:32

Ichi chenga chakuti ghafiskike mazu ghaku Yesu, gho wangukamba pakusimikizga ndi nyifwa yakutinkha yo wakafwanga.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Marangu 21:23

thupi lake kuti litandalenge usiku wose pa muti pa cha, kweni mumuŵikenge zuŵa lenilo. Pakuti munthu wakupayikika ngwakutembeka ndi Chiuta, kuti mukazuzgenge charu chinu cha chenicho Ambuya Chiuta winu watukupaskani kuŵa chihara.

ŴaGalatia 3:13

Kristu watiwombo ifwe ku tembo la chilangulu cho, pakuŵa wakutembeka pa chifukwa chidu: chifukwa kwalembeka, “Ngwakutembeka yose yo ngwakupayikika pa muti”:

Machitidu gha Ŵakutumika 13:29

Ndipo penipo ŵangufiska vyose vyakulembeka paku iyo, ŵangumpauwako ku mphinjika, ndipo ŵangumuŵika mu muunda.

Machitidu gha Ŵakutumika 5:30

Chiuta wa ŵauskefwe wangumyuska Yesu, mweniyo imwe mungubaya ndi kumpayika pa muti.

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Yohane 3:14

Nge ndimo Mosese wangusoske njoka yamu bozwa, viyo kutenere Mwana wa munthu kusoskeka:

Luka 24:7

wakuti, kutenere Mwana wa munthu kupachirika mu manja gha ŵanthu ŵalakwi, ndi kupayikika, ndi pazuŵa lachitatu kuyuka so.”

Mateyu 26:2

“Muziŵa kuti pavuli pa mazuŵa ghaŵi kuŵenge dghera la phaska, ndipo Mwana wa munthu wakombolekenge kwachipayikika.”

Mateyu 20:19

ndipo ŵamkombolenge ku Mitundu kumtombozga ndi kumukwechuwa ndikumpayika; ndipo pa zuŵa lachitatu wayukenge.”

Sumu 22:16

Inya, ŵagaru ŵandizingirizga; mpingu wa ŵakuchita uheni wandikwetere; ŵarasa manja ghangu ndi marundi ghangu.