Luka 23:28 - Tonga Bible 1986

²⁸ Kweni Yesu wangung'anamukiya kwaku yiwo, wanguti, “Mwa ŵanthukazi ŵaku Yerusalemu, mungaliriyanga paku ine cha, kweni liriyani paku mwaŵeni ndi pa ŵana ŵinu.

Luka 23:28 Referans Kwoze

Sumu ya Zisumu 8:4

Mwa ŵana ŵanthukazi ŵaku Yerusalemu, ndikurapiskiyani, kuti mureke kusukung'a nanga nkhuyuska chanju, mpaka penipo chakhumba.

Sumu ya Zisumu 5:16

Makambidu ghake nga kunowa kwakufikapo, ndipo nadi ngwakukhumbikwa. Uyu ndiyo nkhwanjiwa wangu, uyu ndi bwezi langu. Okwe mwaŵana ŵanthukazi ŵaku Yerusalemu.

Sumu ya Zisumu 5:8

Ndimurapiskiyani, mwaŵana ŵanthukazi ŵaku Yerusalemu, asani mwamusaniya nkhwanjiwa wangu, mumunene kuti, ndatama ndi chanju.

Sumu ya Zisumu 3:10

Wanguchita mizati yake ndi siliva, msana wake ndi golide, chakujapo chake ndi saru yakufyuŵara; lingusoneka umampha mukati mwake, ndi ŵana ŵanthukazi ŵaku Yerusalemu.

Sumu ya Zisumu 3:5

Ndikurapiskiyani, mwaŵana ŵanthukazi ŵaku Yerusalemu, pa zimphoyo pamwenga pa mphala za mdondo, kuti mureke kusukung'a nanga nkhuyuska chanju mpaka penipo chakhumba.

Sumu ya Zisumu 2:7

Ndikurapiskiyani, mwaŵana ŵanthukazi ŵaku Yerusalemu, pa mphoyo pamwenga mphalaza mdondo, kuti mureke kusukung'a nanga nkhuyuska chanju mpaka penipo chakhumba.

Sumu ya Zisumu 1:5

Nde mufipa ukongwa, kweni wakutowa, mwaŵana ŵanthukazi ŵaku Yerusalemu, nge ndi mahema ghaku Kedara, nge ndi saru zakuchinga zaku Solomoni.

Luka 23:27

Ndipo kungumrondo mpingu ukuru wa khamu lo, ndi wa ŵanthukazi, ŵeniwo ŵamliriyanga ndi ŵamtenjerenga.

Luka 23:29

Pakuti awonani ghatuza mazuŵa mwaku ghenigho ŵanenenege, ‘Vyamwaŵi vyo vyumba, ndi vibali vyenivyo vyengavi kupapa, ndi maŵe ghenigho ghengavi konkheska!’

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.