Luka 20:36 - Tonga Bible 1986

³⁶ chifukwa chingana nkhuti ŵaziŵa kufwa so cha; chifukwa ŵe nge mbangelo; ndipo mbana ŵaku Chiuta, pakuŵa ŵana ŵa chiyuka.

Luka 20:36 Referans Kwoze

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

Mateyu 22:30

Chifukwa mu chiyuka kuti ŵato cha, chingana nkhuti ŵaŵirwa cha, kweni ŵe nge mbangelo kuchanya.

Chivumbuzi 20:6

Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.

1 ŴaKorinte 15:42

Chiyuka nacho cha ŵakufwa che viyo. Limijika mu chivuzi; liyuskika mu uura-chivuzi.

Chivumbuzi 22:9

Ndipo wali kwaku ine, “Awa, na! Ndine muŵanda munyako ndi so wa ŵabali ŵako ŵamchimi wo, ndi waku wo Wasungirizga mazu gha buku lenili. Mlambiye Chiuta.”

1 ŴaKorinte 15:26

Wamawongu wakumariya kwachiwayulika ndi nyifwa.

Marko 12:25

Chifukwa penipo ŵayukenge ku ŵakufwa, kuti ŵakatonga cha, chingana nkhuti ŵaŵirwenge cha; kweni ŵamuja nge mbangelo kuchanya.

1 ŴaKorinte 15:49

Ndipo uli ndimo tavwariya chikozgu cha wadongu yo, ndimu tamvwariya chikozgu so cha wakuchanya yo.

Zekariya 3:7

“Viyo atiti Ambuya ŵa maŵanja: Asani wendenge mu nthowa zangu, ndi kusunga dangu langu lakumikika, yipo ukausanga nyumba yangu, ndi kweruzga mabwalo ghangu, ndipo ndikupaskenge nthowa yakuziyamo mukati mwaku yaŵa ŵanthu ŵatuma yapa.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

ŴaRoma 8:16

Mzimu iyo wasimikizgana ndi mzimu widu, kuti te ŵana ŵaku Chiuta: