Luka 2:9 - Tonga Bible 1986

⁹ Ndipo mungelo wa Mbuya wanguma paku wo, ndi unkhankhu wa Mbuya wanguŵaŵaliya kwakuzunguliya: ndipo ŵangopa ndi chopu chikuru.

Luka 2:9 Referans Kwoze

Yesaya 60:1

Yukani, ŵalani, pakuti ukweru winu waza, ndipo unkhankhu wa Ambuya wayukiya paku imwe.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Chivumbuzi 18:1

Pavuli pa ichi ndinguwona mungelo munyake kusikako kuchanya; wenga ndi mtufu ukuru; ndipo charu chingungweruskika ndi unkhankhu wake.

Machitidu gha Ŵakutumika 27:23

Chifukwa kungumiya kwangu usiku uno mungelo waku Chiuta, waku mweniyo ndiri, Mweniyo so nditeŵete,

1 ŴaKaronga 8:11

mwakuti ŵazukuru kuti ŵanguziŵa kuteŵeta cha chifukwa cha mtambo, pakuti unkhankhu wa Ambuya unguzaza nyumba ya Ambuya.

Machitidu gha Ŵakutumika 5:19

Kweni mungelo wa Ambuya ndi usiku wangujurako ku makhomo gha ulinda wo, ndipo wati waŵarongozge kubwaro wanguti,

Yohane 12:41

Vyenivi wangukamba Yesaya, pakuti wanguwona unkhankhu wake; ndipo wangurongoro vyapaku iyo.

Luka 24:4

Ndipo kunguŵa ŵeche kuzizikikapo, onani so, ŵanthurumi ŵaŵi ŵangumapo pamoza nawo mu chivwaru chakugadima;

Chituwa 16:7

ndipo ndi mlenji mukawonanga unkhankhu wa Ambuya, chifukwa avwa madinginiku ghinu paku iwo Ambuya. Pakuti ifwe te ayani kuti mutidinginikiye?”

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

ŴaHebere 12:21

Ndipo kawonekedu ko kenga kakofya, viyo kuti Mosese wanguti, “Ndine wachitenthe ndi wakumbwa-mbwanthiya.”

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Machitidu gha Ŵakutumika 12:7

Ndipo wonani, mungelo wa Mbuya wanguma pake, ndi kungweruka kunguŵaliya mu ulinda. Ndipo wati wapamantha liŵaghara laku Petro, wangumyuska, wakunena, “Soka ruŵi!” Ndipo maunyoru ghangudeuka ku manja ghake.

Luka 1:28

Ndipo wachisere mungelo yo kwaku iyo, wanguti, “Mauleni, msani yawezi we, Ambuya ŵe nawe.”

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Ezekiele 3:23

Viyo ndingusoka ndinguruta ku chidika; ndipo, ehe, unkhankhu wa Ambuya unguma kwenikuwa, nge mbunkhanichu wo ndinguwona ku msinji Kebara; ndipo ndinguwa kavunama.

Yesaya 40:5

Ndipo unkhankhu wa Ambuya ukavumburikanga, ndipo nyama yose yikawuwoniyanga pamoza, pakuti mlomo wa Ambuya warongoro.”

Yesaya 35:2

likachitanga maluŵa ghakupasiya; uli ndi hanyezi likachitanga maluŵa ghanandi. Kusangaruka ndi likondwa ndi kumba, unkhankhu wa Lebanoni ukapaskikanga kwaku lo, kuziza kwa Karmele ndi Sharoni. Ŵakawonanga unkhankhu wa Ambuya, kuziza kwaku Chiuta widu.

Chituwa 16:10

Ndipo penipo Aroni warongoronga ku mpingu wose wa ŵaYisraele wangulereska ku bizwa, ndipo wanguwona unkhankhu wa Ambuya unguwoneka mu mtambo.

Luka 2:8

Ndipo kwenga ŵaliska mu charu chenichiya ŵakutandara mu dondu, ndi ŵakulindizga maulinda ghausiku pa mskambu wawo.