Luka 2:7 - Tonga Bible 1986

⁷ Ndipo wangupapa mwana-munthurumi wake wakudanga; ndipo wangumvungiya, ndi wangumlalika mu murgheru. Pakuti kwengavi kwaku wo malo mu nyumba wa ŵalendo.

Luka 2:7 Referans Kwoze

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

Mateyu 1:25

ndipo kuti wangumziŵa cha mpaka wangupapa mwana: ndipo wangudana zina lake Yesu.

Mateyu 8:20

Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.”

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Mateyu 13:55

Asi uyu ndi mwana wa muwomba-miti yo? Asi nyina wazumbulika Mariya? Ahurwa ŵake ndi Yakobe, Yosefe, Simone, ndi Yuda?

Sumu 22:6

Kweni ine nde fusi, munthu mweneko cha; chitozeru ku ŵanthurumi, chakuyeyeka ku ŵanthu.

Luka 10:34

ndipo, wanguti wazako, wangukurunga mabamba ghake wakupunguliyapo mafuta ndi vinyo; ndipo wanguti wamjarika pa chinyama chaku yija, wangumtole ku mphara, ndipo wangumpazga.

Chituwa 4:24

Pa malo ghakugonapo mu nthowa Ambuya angukumana nayo ndipo apenjanga kumubaya.

Chiyambo 42:27

Ndipo penipo yumoza waku wo wangubanuwa thumba lake kuti wapaski mbunda yake gaga pa malo pakula wanguwona ndrama zake mu mlomo wa thumba lake;

Chiyambo 43:21

ndipo tinguti tafika pa nyumba yakugonamo ŵalendo, tingujura mathumba ghidu ndipo tingusaniya kuti ndrama za munthu we yose zenga mwenimuwa mu mlomo wa thumba lake, ndrama zidu zakufikapo pa uzitu wake; viyo tawe nazo so,

Luka 2:6

Ndipo kunguŵa, ŵeche kweniko yiwo, ghangufiskika mazuŵa ghake ghakupapiya.

Luka 2:8

Ndipo kwenga ŵaliska mu charu chenichiya ŵakutandara mu dondu, ndi ŵakulindizga maulinda ghausiku pa mskambu wawo.