Luka 2:41 - Tonga Bible 1986

⁴¹ Ndipo ŵarutanga ŵapapi ŵake chirimika ndi chirimika ku Yerusalemu ku njonesku ya Phaska.

Luka 2:41 Referans Kwoze

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Yohane 2:13

Ndipo laŵandikanga dghera la phaska la ŵaYuda, Yesu wangukwere ku Yerusalemu.

1 Samuele 1:21

Ndipo Elkana ndi ŵamu nyumba yake wose ŵangukwera kwachipereka sembe yapa chirimika ku Ambuya, ndi kurapa rapu lake.

1 Samuele 1:3

Chirimika ndi chirimika Elkana warutanga kutuwa ku muzi wake kwachisopa ndi kupereka sembe ku Ambuya ŵa maŵanja pa Shilo, penipo ŵana ŵaŵi ŵaku Eli, Hofini ndi Finehasi ŵenga ŵazukuru ŵa Ambuya.

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Maŵerengedu 28:16

“Pa zuŵa la chumi ndi ghanayi la mwezi wakudanga ndi dghera la phaska la Ambuya.

ŴaLevi 23:5

Mu mwezi wakudanga, pa zuŵa la chumi pachanya ghanayi, ku mazulo ndi phaska la Ambuya.

Chituwa 34:23

Katatu mu chirimika ŵanthurumi ŵinu wose ŵazamuwoneka paurongo pa Ambuya Chiuta, Chiuta Yo waku Yisraele.

Chituwa 12:14

“Zuŵa ili kwaku imwe likaŵanga la chikumbusku, ndipo mukalisunganga nge ndi dghera ku Ambuya; mu migonezi yinu mukalisunganga kuŵa dangu muyaya.

Yohane 13:1

Lenga lindaze dghera la Phaska, wanguziŵa Yesu kuti laza ora lake lakutuwa mu charu chino, kuruta ku Dada; po wanguti waŵanja ŵapa mtima wake ŵamu charu, wanguŵanjiya limu mpaka ku umari.

Yohane 11:55

Phaska la ŵaYuda lenga pafupi: ndipo ŵanandi ŵaku charu cho Wangukwere ku Yerusalemu, lenga lindafike Phaska alinga kuti ŵajitoweske.

Yohane 6:4

Kweni phaska lenga pafupi, dghera lo la ŵaYuda.

Chituwa 12:11

Mutinge viyo muchirgha viunu vinu vimangike, viyatu vinu mu marundi, ndi ndodo zinu mu janja linu; ndipo mukarghanga kwakuthaŵiriya. Ndi dghera la phaska la Ambuya.

Luka 2:42

Ndipo penipo wanguŵa wa virimika chumi ndi viŵi, wanguti wakweriyako ku Yerusalemu mwa karusu ka njonesku,