Luka 2:32 - Tonga Bible 1986

³² ukweru wakuvumbuliya ŵaMitundu, ndi unkhankhu wa khamu linu Yisraele.”

Luka 2:32 Referans Kwoze

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Machitidu gha Ŵakutumika 26:23

kuti Kristu wakakomwanga ndi kuti iyo, pakuŵa wakudanga kuyuka ku ŵakufwa wakataulanga kungweruka ku khamu lo ndi ku Mitundu.”

Yesaya 9:2

Ŵanthu wo ŵangwenda mu mdima ŵawona kungweruka kukuru; wo ŵanguja mu charu cha mdima wakofya, ukweru waŵaŵaliya.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Machitidu gha Ŵakutumika 28:28

“Viyo kuziŵikwe kwaku imwe, kuti ku Mitundu utaski uwu waku Chiuta utumika: iwo nawo ŵavwenge.” [

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Zekariya 2:5

Chifukwa ine ndiŵenge kwaku wo linga la moto kwakuzunguriya, atiti Ambuya, ndipo ndiŵenge unkhankhu mukati mwakuwo.’ ”

Yesaya 60:19

Lumwi kuti likaŵanga ukweru winu cha ndi msana nanga mwezi ungaŵala kuti ukapaskanga imwe ukweru cha ndi usiku; kweni Ambuya akaŵanga ukweru winu wa muyaya, ndipo Chiuta winu ndiyu wakaŵanga unkhankhu winu.

Yesaya 45:25

Mu Ambuya mphapu zose zaku Yisraele zikapundanga ndi kujikuzga.”

Yesaya 4:2

Mu zuŵa liya mphanda ya Ambuya yikaŵanga yakutowa ndi kukankhuskika, ndipo chipasi cha charu cho chikaŵanga kujikuzga ndi unkhankhu wa ŵakujapo ŵamoyo ŵaku Yisraele.

Sumu 85:9

Nadi utaski wawo wepafupi ku ŵakumopa, kuti unkhankhu wawo uje mu charu chidu.

1 ŴaKorinte 1:31

alinga kuti, uli ndimo kwalembeke, “Wakutumbwa watumbwiye mu Ambuya.”

Luka 2:10

Ndipo wanguŵanene mungelo yo, “Mungopanga; chifukwa alereni, ndikutauliyani chimwemwe chikuru, chenicho chikaŵiyanga ŵanthu wose:

Yeremiya 2:11

Kumbi mtundu ukusinthapo ŵachiuta ŵake, chingana iwo kuti mbachiuta ŵeneko cha? Kweni ŵanthu ŵangu ŵakusinthiskana unkhankhu wawo ndi cho kuti chitanduwa cha.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Yesaya 49:9

kunene wamagoŵa, ‘Tuwani!’ Kwaku wo ŵe mu mdima, ‘Wonekani!’ Iwo wakarghanga mu nthowa zose, pa mitunthu yose yambura kanthu pakaŵanga chipozwa chawo,

Yesaya 51:4

“Tegherezgani kwangu mwa ŵanthu ŵangu, paskani gutu kwaku ine, mwa mtundu wangu; pakuti dangu likatuwanga kwangu, ndi cheruzgu changu chirunji kuŵa ukweru ku ŵanthu.

Luka 2:31

wo mwarongosole pa chisku cha makamu ghose;