Luka 2:21 - Tonga Bible 1986

²¹ Ndipo penipo ghangufiskika mazuŵa ghankhonde ndi ghatatu gha kumchinjiya, lingudanika zina lake Yesu, lo lingudanika ndi mungelo wenga wandazuuke iyo mu chibali.

Luka 2:21 Referans Kwoze

ŴaLevi 12:3

Ndipo pa zuŵa la chinkhonde ndi chitatu khungu lake lasongo likachinjikanga.

Luka 1:59

Ndipo kunguŵa pa zuŵa lachinkhonde ndi chitatu, ŵanguza mchinja kana ko; ndipo ŵakadananga zina la wiske Zekariya.

Luka 1:31

Ndipo awona uŵenge ndi nthumbo, ndipo upapenge mwana munthurumi, ndipo udanenge zina lake Yesu.

Chiyambo 17:12

Mwana we yose yo ngwa mazuŵa ghankhonde ndi ghatatu mukati mwinu, wakachinjikanga; munthurumi we yose mu migonezi yose, manyi ngwakupapika mu nyumba yinu,

ŴaFilipi 2:8

ndipo wati wasanirika mu kawonekedu ka munthu, wangujiyuyuwa, pakuŵa wakuvwiya mpaka ku nyifwa, nyifwa nayo yapa mphinjika.

Mateyu 3:15

Kweni wakwamuka Yesu wangumunene, “Inya kuŵi viyo: chifukwa nkwakwenere ifwe kufiska urunji wose.” Sono wangumzomerezga.

Mateyu 1:25

ndipo kuti wangumziŵa cha mpaka wangupapa mwana: ndipo wangudana zina lake Yesu.

Mateyu 1:21

Ndipo wapapenge mwana munthurumi; ndiudanenge zina lake Yesu: chifukwa ndiyo wataskenge khamu lake ku vilakwa vyawo.”