Luka 2:14 - Tonga Bible 1986

¹⁴ “Unkhankhu kwaku Chiuta mu mdengwendi, ndi panupasi chimangu mu ŵanthu mwaku wo wakondwere.”

Luka 2:14 Referans Kwoze

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

Luka 19:38

ŵakuti, “Ngwakutumbikika Karonga yo watuziya mu zina la Mbuya! Chimangu kuchanya, ndi unkhankhu mdengwendi.”

ŴaKolose 1:20

ndipo kuti mwaku iyo wasopaniskiye vyose kwaku yija, wati wachitiya chimangu mu ndopa za mphinjika yake; ndititi, kwachisopaniskiya mwaku iyo pamwenga vyo vyapa charu, pamwenga vyo vya kuchanya.

Luka 1:79

kwachiŵaŵaliya ŵakuja mu mdima ndi chiduzi cha nyifwa; kwachirongozge marundi ghidu mu nthowa ya chimangu.”

Chivumbuzi 5:13

Ndipo chilengeka chose cho che kuchanya, ndi panupasi, ndi kusi kwa charu, ndi mu nyanja, ndi vyose vya mwenimo, ndinguvivwa vyakuti, “Kwaku mweniyo waja pa chitengu-chaufumu cho, ndi ku Mwana-mberere, kuŵiye thumbiku, ndi rumbu, ndi unkhankhu, ndi mazaza ku muyaya muyaya!”

Yesaya 57:19

Chimangu, chimangu kutali ndipafupi, atiti Ambuya; inya ndikamuchizganga.

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Yohane 17:4

Ine ndarongo unkhankhu winu panupasi; mwakuti ndafiska nchitu yo mungundipaska kwachichita.

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

ŴaFilipi 2:11

ndipo kuti lilime lose lizomerezge kuti Yesu Kristu ndi Mbuya, ku unkhankhu waku Chiuta Dada.

Luka 3:22

ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Yesaya 49:13

Mbiyani likondwa, mwa machanya mwe, tumbwanga wa charu chapasi; kamburani, mwa mapiri mwe ndi mumba! Pakuti Ambuya asangaruska ŵanthu ŵawo, ndipo akaŵanga ndi chitima pa ŵakusuzgika ŵawo.

ŴaEfeso 1:9

pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti,

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

Yesaya 44:23

Mbani mwa machanya, pakuti Ambuya achichita, kamburani, mwa ndimba za charu chapasi; sereni mukumba, mwa mapiri mwe, wa lisuwa we, ndi muti wose wa mwake! Pakuti Ambuya awombo Yakobe, ndipo akakakhuskikanga mwaku Yisraele.

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

ŴaEfeso 2:7

Alinga kuti mu migonezi yo yikazanga warongonge usambasi ukuru wa wezi wake mu wanangwa kuchiri kwaku ifwe mwaku Kristu Yesu:

ŴaEfeso 2:4

kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe,

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Mika 5:5

Ndipo ichi chikaŵanga chimangu, po ŵaAsiriya ŵatuza mu charu chidundi kukanda pa dongo lidu, kuti timuyuskiye ŵaliska ŵankhonde ndi ŵaŵi, ndi ŵakaronga ŵankhonde ndi ŵatatu.

Luka 2:13

Ndipo kwamabuchibuchi kunguŵa pamoza ndi mungelo mzinda wa liŵanja lakuchanya, ŵakuthamika Chiuta, ndi ŵakuti,

Luka 2:15

Ndipo kunguŵa, penipo ŵangelo ŵangutuwako kwaku wo ndi kuruta kuchanya, ŵaliska nawo ŵangunenerana, “Tiyeni mpaka ku Betelehemu, ndi tiwone nkhani yeniyi yakuŵapo, yo Ambuya ŵatiziŵiska.”