Luka 15:25 - Tonga Bible 1986

²⁵ “Kweni mwana wake mura wenga mu munda: ndipo wachiza ndi kuŵandika ku nyumba yo, wanguvwa kumba ndi kuvina.

Luka 15:25 Referans Kwoze

Sumu 150:4

Murumbeni ndi zing'oma ndi kuvina! Murumbeni ndi vya malisinga ndi fyoliro!

Luka 7:32

Mbakukozgana ndi ŵana ŵakuteka mu mphara, ndi ŵakudanana ndi ŵanyawo ndi ŵakuti, ‘Tingufyororoske imwe, ndipo kuti munguvina cha; tingutenje, ndipo kuti munguliya cha.’

Yeremiya 31:4

Ndikakuzenganga so, ndipo ukazengekanga, wa mwali we Yisraele! Ukajinozganga so ndi ŵazeze, ndipo ukarutanga kwachivina ndi ŵakusangaruka.

Wakutaula 3:4

nyengo yakuliriya, ndi nyengo yakuseke; nyengo yakutenjere, ndi nyengo yakuviniya;

Sumu 149:3

Ŵarumbe zina lawo ndi kuvina; kuŵarumba pakumba ng'oma ndi bangwe.

Sumu 126:1

Achitiwezga Ambuya, pakutiwezge ku Zioni, ghanguŵa nge ndi maloto!

2 Samuele 6:14

Sono Davidi wanguvina paurongo pa Ambuya ndi nthazi yake yose; ndipo wangujichinyiya efodo wa bafuta.

Chituwa 15:20

Sono Miriamu mchimi muthukazi mzichi waku Aroni wangutole kang'oma mu janja lake, ndipo ŵanthukazi wose wanguruta pavuli pake ndi tung'oma, ndi kuvina.

Sumu 30:11

Imwe mwang'anamuwa kutenje kwangu kwaŵa kuvina; mwafwatuwa chigudulu changu ndipo mwandivwarika ndi likondwa;

Luka 15:24

pakuti uyu mwana wangu wenga wakufwa, ndipo wawere ku umoyo; wenga wakutayika, ndipo wabowozgeka.’ Ndipo ŵangwamba kukondwere.

Luka 15:26

Ndipo wangudana yumoza wa ŵaŵanda, ndipo wangumfumba vingaŵa vine vyenivyo.