Luka 15:22 - Tonga Bible 1986

²² Kweni wiske wanguŵanene ŵaŵanda ŵake, ‘Ruŵi tonipo munjirira wakuruska, ndi mvwalikeni; ndipo ŵikani ndandati pa janja lake, ndi viyatu pa marundi ghake;

Luka 15:22 Referans Kwoze

Chivumbuzi 6:11

Ndipo kwaku yose waku iwo kungupaskika khanju lituŵa: ndipo kunguneneka kwaku wo, kuti ŵapumuwepo nyengo yimanavi so, mpaka ŵafiskike ŵakuteŵeta ŵanyawo ndi ŵabali ŵawo, wo kungwenere kubayika nge ndiwo.

Estere 8:2

ndipo karonga wanguzuwa mphete yake yo wanguto kwaku Hamani ndi wanguyipaska Mordikayi kuŵa mura pa nyumba yaku Hamani.

Chiyambo 41:42

Viyo Farao wanguto mphete yake ya chisimikizgu kuyizuwa pa janja lake ndi kuyivwarika pa janja laku Yosefe ndipo wangumuvwarika vivwalo vya kutowa vituŵa vyamampha, ndipo wanguvwarika unyoro wagolide mu khosi lake;

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Estere 3:10

Viyo karonga wanguzuwa mphete ku janja lake, ndikupaska Hamani mwana waku Hamedata mu Agagi, murwani wa ŵaYuda.

Chivumbuzi 19:8

Ndipo wanguzomerezgeka iyo kuti wavwarikike bafuta, wakuŵala ndi wakutowa”: chifukwa bafuta wakutowa yo ndi machitidu ghaurunji gha ŵakupaturika.

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,

ŴaRoma 8:15

Chifukwa kuti munguronde cha mzimu wa uŵanda wa chofyu, kweni munguronde mzimu wa ulezi, mwaku wo tikutiya, “Aba, Ada!”

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

ŴaGalatia 3:27

Pakuti mose mwaŵakubatizikiya mwaku Kristu, munguvwa Kristu.

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

Sumu ya Zisumu 7:1

Nako nkhunozga kwa marundi ghako mu viyato, owe fumukazi mwali we! Marunga gha muvigha vyako ghayana ndi vyakujeduka, nchitu ya manja gha ng'ombwa yako.

Sumu 132:9

Ŵazukuru ŵinu ŵataule kuti mutaska ŵanthu ŵinu, ŵatuŵa ŵinu ŵakabure ndi kukondwa!

Sumu 45:13

ŵazenge ndi chuma cha mtundu-mtundu. Mwana munthukazi wa karonga mu chipinda chake wavwarikika minjirira ya golide lakwengeka;

Sumu 18:33

Wachitiska marundi ghangu nge ndi marundi gha mphoyo, ndi kundijarika kwakudekha pa vya pachanya.

Chivumbuzi 3:18

Chifukwa ichi ndikupangizga kugula kwangu golide lakwengeka mu moto, alinga kuti usambase: ndi minjirira yituŵa kuti ujivwarike, mwakuti soni ya unkhuli wako yireke kurongoreka: ndi munkhwara wa kupaka mumaso ghako, alinga kuti ulereske.

ŴaEfeso 6:15

kujimangiya ku marwayo ghinu dongosoru la evangeli wa chimangu;

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

Sumu 132:16

Ŵazukuru ŵake ndikaŵavwarikanga utaski, ndipo ŵanthu ŵake ŵakambanga ndi kukambura kwa chimwemwe.

Marangu 33:25

Vikhozgeru vyako vikaŵanga chisulo ndi mkuŵa, ndipo uli ndi mazuŵa ghako, ndimo kukaŵiyanga kulimba kwako.

Luka 15:21

Ndipo mwana yo wangumunene, ‘Ada, ndalakwiya kuchanya ndi mu maso ghinu: kuti ndeche wakwenere cha kutamulika mwana winu.’

Luka 15:23

ndipo toni tholi lakututuŵa, kabayeni, ndipo tirghe, tikondwenge: