Luka 13:19 - Tonga Bible 1986

¹⁹ Ngwakukozgana ndi nje ya kamganji, yeniyo munthu wanguto, ndipo wangutaya mu munda waku yija; ndipo yinguŵa chimuti; ndipo tiyuni twakuchanya tungutandara mu mphanda zake.”

Luka 13:19 Referans Kwoze

Danyele 4:12

Mani ghake ghenga ghamampha ndi vipasi vyake vyenga vinandi, ndipo mwaku cho mwenga chakurgha chaku wose. Nyama zamu dondo zingusaniya mduzi musi mwake, ndi viyuni vya mude vyajanga mu mphanda zake, ndipo nyama yose yinguleleka mwaku cho.

Danyele 4:21

mani ghake ghenga ghamampha ndi vipasi vyake vyenga vinandi, mwaku wo mwenga kurgha kwaku wose; musi mwaku wo nyama zamu dondo zingusaniya mduzi, ndi mu mphanda zake tuyuni twa mude twajanga

Machitidu gha Ŵakutumika 4:4

Kweni ŵanandi ŵaku wo ŵangughavwa mazu ŵanguvwana; ndipo unandi wa ŵanthurumi ungufika akhumba vikwi vinkhonde (5,000).

Machitidu gha Ŵakutumika 2:41

Viyo ŵeniwo ŵanguronde mazu ghake ŵangubatizika, ndipo kungukuskikiyako kwaku wo mu zuŵa liya mizimu ankhumba vikwi vitatu (3,000).

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Ezekiele 31:6

Viyuni vyose vya mude vinguzenga vivimbu vyawo mumphanda zake; musina mu mphanda zake ndimu nyama za mudondo zapapiyanga ŵana ŵawo; ndipo mu mduzi wake ndimo mwajanga mitundu yose yikuru ya ŵanthu.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Machitidu gha Ŵakutumika 21:20

Ndipo pakuvwa iwo ŵamkankhuskanga Chiuta; ndipo ŵangumunene, “Uwona, mbali, kuti vikwi vinandi mu ŵaYuda vivwana; ndipo wose ŵa mbaphamphu ku chilangulu cho.

Mateyu 17:20

Iyo wanguŵanene, “Chifukwa cha chivwanu chinu chimana: chifukwa ndikuneneskiyani, asani mwenacho chivwanu nge ndi nje ya kamganje muneniyenge phiri ili, ‘Nyamuka panu kawi kuwa,’ linyamukenge; ndipo kanthu kose kuti katondekenge kwaku imwe cha. [

Yesaya 58:11

Ndipo Ambuya akamurongozganinge rutaruta, kugutiska khumbu linu ndi vyamampha, kukhomeska viwanga vinu, ndipo mukaŵanga uli ndi munda wakudiriya maji, nge nchisima cha maji, cho maji ghake kuti ghatuphwa cha.

Yesaya 53:10

Kweni lenga khumbo la Ambuya kumukomweska; amuŵika viyo mukuŵaŵa; penipo watijipereka iyo yija mpasku wapa ulakwi, wakawonanga ŵana ŵake, wakarutilizganga mazuŵa ghake; khumbu la Ambuya likasakatanga mu janja lake;

Sumu ya Zisumu 6:2

Wakwanjiwa wangu wasikiya ku munda wake, ku migandu ya vyakununkhira, kuliska muskambu wake mu minda, ndi kuwunjika maluŵa ghakuŵala.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

ŴaRoma 15:19

mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,

Yeremiya 31:12

Ŵakazanga ndi Kumba kwanthazi pa chitanthali cha Zioni, ndipo ŵakaŵaranga chifukwa cha umampha wa Ambuya, chifukwa cha vyakurgha, vinyo, ndi mafuta; ndi ŵana ŵa mskambu ndi vyakuŵeta; umoyo wawo ukaŵanga nge ndi munda wakudiriya maji, kuti ŵakalakatukanga so cha.

Yesaya 61:11

Pakuti mo charu chapasi chituzgiya mumera wake, ndipo nge ndimo munda umezge vyo vyamijikamo, viyo so ndimu Ambuya Chiuta wakamezgiyanga ukongore kwa ndi rumbu pa maso pa mitundu yose.

Yesaya 53:1

Njani wavwana ndi chenicho tavwa? Ndipo nkhwakuyani ko lavumbukiya janja la Ambuya?

Sumu ya Zisumu 8:13

Ehe iwe wakuja mu minda, ŵapamoza nane ŵategherezga ku mazu ghako; mphanyi nane ndaghavwa.

Sumu ya Zisumu 4:16

Yuka, mphepo yaku nkhonde iwe, ndipo zanga, wamphepo waku malaŵi! Putanga pa munda wangu, mwakuti fungu lake lituwe kwakusapatiya. Nkhwanjiwa wangu wazenge ku munda wake ndi kurgha vipasi vyake vyakusankhika.

Sumu ya Zisumu 4:12

Munda wakukhozgeka, ndi mzichi wangu, bwezi langu lanthengwa, munda wakukhozgeka, chisima chakuzighirika.

Luka 17:6

Kweni Ambuya ŵanguti, “Asani mwe nacho chivwanu uli ndi nje ya kamganji, munganene mkuyu uwu, ‘Jimphuka, ndi pandika mu nyanja yo;’ mphanyi watinge uvwiyenge imwe.

Marko 4:30

Ndipo wanguti, “Teruzgiyenge uli ufumu waku Chiuta? Pamwenga ntharika yakutinji tiupong'iyenge?