Luka 12:37 - Tonga Bible 1986

³⁷ Mbamwaŵi ŵaŵanda yaŵa ŵeniwo mbuya yo, wakuti waza, waŵasaniyenge mbakukhazga; nadidi ndikuneniyani, kuti wajichinyiyenge ndi waŵajarikenge pa kurgha, ndi wazamkuŵamiriya.

Luka 12:37 Referans Kwoze

2 Petro 3:14

Viyo, mwaŵakwanjiwa, pakulereze vyenivi, pamphukiyani kusanirika ndi iyo mu chimangu, ŵambura banga ndi ŵambura kalema.

Mateyu 24:42

Viyo khazgani: pakuti mulive kuziŵa zuŵa mwaku lenilo Ambuyamwe ŵaziyenge.

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

1 ŴaKorinte 2:9

Kweni nge ndimo kwalembeke, “Vyenivyo jiso lengavi kuviwona, ndi gutu lengavi kuvivwa mu mtima wa munthu vyengavi kubukamo, vyose vyo Chiuta waŵarongosole wo mbakumwanja.”

Chivumbuzi 14:13

Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”

2 Petro 1:11

chifukwa viyo kakuskikiyengeko kwaku imwe kwakusambasa kasereredu kamu ufumu wamuyaya wa Ambuyafwe ndi mtaski Yesu Kristu.

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Yesaya 62:5

Pakuti mo munyamata watole mwali, viyo ŵana ŵinu ŵakatonga imwe, nge ndimo mweninthengwa wakondwe pa mwali yo wato, viyo so ndimu Chiuta wakondwere paku imwe.

Chivumbuzi 7:17

Chifukwa Mwana-mberere yo, mweniyo we mukatimu chitengu-chaufumu cho waŵaliskenge, ndipo waŵarongozgiyenge ku visima vya maji gha umoyo: ndipo Chiuta iyo waleskengeko sozi lose ku maso ghawo.”

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

ŴaFilipi 1:21

Chifukwa kwaku ine kujariya wamoyo ndi Kristu, ndipo kufwa nchanduwu.

Luka 17:8

kweni ukongwa asi wamuneniyenge, ‘Rongoso chenicho ndirghenge, ndipo, wati wajichinyiya, nditeŵete mpaka ndargha ndi ndamwa; ndipo pavuli po urghenge ndi umwenge iwe’?

Luka 12:43

Ngwamwaŵi muŵanda yuwa mweniyo mbuyake, wachiza, wamsaniyenge wakuchita viyo.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Luka 12:36

ndipo muŵe imwe ŵakukozgana ndi ŵanthu ŵakulereze mbuyau waku ŵija, penipo wawenge ku chakurgha cha nthengwa; alinga kuti, wati waza ndi wagong'oska, ŵangamjuriyako sosonukweni.

Luka 22:27

Chifukwa mraku njani, wakuja pa kurgha, pamwenga wakuteŵeta? Asi ndiyo waja pa kurgha? Kweni ine nde mukati mwinu uli ngwakuteŵeta.

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)