Luka 12:15 - Tonga Bible 1986

¹⁵ Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Luka 12:15 Referans Kwoze

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

Nthanthi 15:16

Nkwamampha kuŵa mkavu, ndikopa Ambuya, kwakuruska kuŵa musambasi mu suzgu.

Nthanthi 16:16

Kusaniya zeru nkhwamampha kwakuruska golide kusaniya kuwamo nkhwamampha kwakuruska siliva.

2 Timote 3:2

Chifukwa paŵengepo ŵanthu ŵakujanja, ŵakwanja ndrama, ŵakujiŵikamu, ŵakujikuzga, ŵakutondowo, ŵakutafuliya ŵapapi ŵawo, wambura kuwonga, ŵambura ukhovu, ŵazira chanju chakawi,

Luka 16:14

Ndipo vyenivyo vyose ŵavwanga ŵaFarisi wo mbamwanja ndrama; ndipo ŵanyumbanga.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

Luka 8:14

Ndipo yo yakuwa mukati mu minga, mbeniwo ŵavwa, ndipo ŵachiruta ŵafinyirizgika ndi malikweŵeska ndi mausambasi ndi malikondwa gha umoyo, ndi kuti ŵafiska cha.

Sumu 62:10

Rekani kuŵika chigomezgu chinu mu vyakuskoŵa; rekani kugomekezga muusambasi wakuchita kuphanga; asani usambasi ungandana, ungaŵikangako mtima wako cha.

Sumu 37:16

Tumanavi to wenato murunji nthwamampha kwakuruska vya uzari vya ŵaheni ŵanandi.

2 Petro 2:3

Ndipo mu chiŵinu ndi mazu ghafuzi ŵakachitiyanga mwinu chanduku; chisusa paku ŵeniwo kutuliya ku mwaka chiura kukotoka, ndi wanangiku wawo uwura kugompho.

Marko 7:22

viŵinu, mauheni, fuvyu, ulakalaka, jiso liheni, mautusi, jani, uzereza,

Habakuku 2:9

Soka kwaku yo wanduwiya mbumba yake chanduwo chiheni, mwakuti wazenge nyumba yake pachanya, kuti wataskike ku urwani!

Sumu 10:3

Pakuti muheni watijikuzga mu makhumbo gha mtima wake, ndipo munthu wa mbunu ndi chanduwu wanyoza ndi kutuka Ambuya.

Jobu 2:4

Satana wangwamuka Ambuya wanguti, “Khungu ku khungu! Vyose vyo munthu we navyo wakapaskanga kutaska umoyo wake.

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

1 ŴaKorinte 6:10

chingana mbakupoka, chingana mbachipanira, kuti ŵakaharanga ufumu waku Chiuta cha.

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

Mika 2:2

Ŵakhumbira minda, ŵayironda; ndi nyumba ŵazironda; ŵasuzga munthurumi ndi mbumba yake; munthurumi ndi chihara chake.

Yeremiya 6:13

“Pakuti kwamba ku mumana kwachifika ku mura wawo, we yose ndi msusi chifukwa cha chanduwu chakupusika; ndipo kutuwa ku mchimi mpaka ku mzukuru we yose wachita kwakupusika.

Nthanthi 28:16

Mweruzgi mweniyo walivi kuwamongwakuyuzga ndi nkhaza; kweni mweniyo watinkha chanduwu chizira urunji wandaniskenge mazuŵa ghake.

2 Petro 2:14

Pakuŵa ndi maso ghakuzara urowozi, ghambura matunika mu ulakwi; pakuŵa ndi mtima wakutakatakiya mbunu, ŵanyengere mizimu yakuyaghayika.

Ezekiele 33:31

Ŵatuza kwaku iwe nge ndimo ŵanthu ŵaziya, ndipo ŵaja paurongo pako nge mbanthu wangu, ŵatuvwa vyo iwe ukamba, kweni kuti ŵakavichitanga cha; pakuti ndi milomo yawo ŵarongo chanju chikuru, kweni mitima yawo yikukho mu chanduwu chawo.

Luka 12:16

Ndipo wanguŵanene ntharika, wakuti, “Charu cho cha mromba ngana chingupasa umampha:

1 ŴaKaronga 2:40

Shimei wangusoka, wangurongoso mbunda, ndi wanguruta ku Gati kwaku Adishi, kwachipenja ŵaŵanda ŵake. Shimei wanguruta ndi wangwachiŵato ŵaŵanda ŵake ku Gati.