Luka 12:14 - Tonga Bible 1986

¹⁴ Kweni iyo wanguti kwaku iyo, “Wamunthu, njani wangumika ine mweruzgi ndi mgaŵi paku imwe?”

Luka 12:14 Referans Kwoze

ŴaRoma 2:3

Ndipo kumbi upima chenichi, wamunthu we, wakuŵeruzga ŵeniwo ŵachita vyaviyo, ndi wakuvichita wamweni, kuti iwe wamfyanthamukako ku cheruzgu chaku Chiuta?

ŴaRoma 9:20

Awa na, wamunthu we, ndiwe yani wakuŵiringuliya Chiuta? Kumbi chakuwumbika cho chinenenge ku muumbi wake, “Chifukwa chine wandiumba viyo?”

ŴaRoma 2:1

Viyo ndiwe wambura mpandira, wa munthu yose wakweruzga: chifukwa mwaku chenicho uteruzga munyako, ujisuska wamweni; pakuti wakweruzga uchita vyenivyo.

Chituwa 2:14

Iyo wangwamuka, “Njani wangukumika iwe kuŵa nduna ndi kweruzga ifwe? Kumbi ukhumba kundibaya uli ndimo ungubayiya muEgipiti yuwa?” Sono Mosese wangopa ndi wangughanaghana, “Kwakuneneska chinthu chiya chaziŵikwa.”

Yohane 8:11

Iyo wanguti, “Kwengavi, Ambuya,” ndipo Yesu wanguti, “Chingana ndine kuti ndikususka cha. Rutanga, kweni ungalakwa so cha.”]

Yohane 6:15

Viyo Yesu pakuziŵa kuti ŵakhumba kuzachimkole nthazi, alinga ŵamuvwalike ukaronga, wangukwere so mu phiri paku yija.

Luka 5:20

Ndipo wachiona chivwanu chawo wanguti, “Wamunthu, vyarekeke iwe vyakulakwa vyako.”

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Luka 22:58

Ndipo pavuli pa kanyengo munyake wangumwona, watinge, “Iwe nawe we waku wo.” Ndipo Petro watinge, “Wamunthu, awa, ine cha.”

Luka 12:13

Ndipo yumoza wamu mzinda wangumunene, “Muwomba, munene mbali wangu kugaŵana nane chihara cho.”