Luka 11:39 - Tonga Bible 1986

³⁹ Ndipo Mbuya wagumunene, “Sono imwe mwaŵaFarisi muphoto kubwaro ko kwa jomera ndi kwa mbali; kweni mukati mwinu muzala kufyonkhonyo ndi uheni.

Luka 11:39 Referans Kwoze

Yakobe 4:8

Ndereni kufupi kwaku Chiuta, ndipo wanderenge kufupi kwinu. Photoni manja, mwaŵalakwi; ndipo tozgani mitima, mwaŵamitimapaŵi.

Tito 1:15

Ku ŵakuphotoka vyose viphotoka: kweni ku ŵakukazuzgika ndi ŵambura kuvwana kulive kamoza kakuphotoka; kweni chinjeru chawo nacho ndi njuŵi so vikazuzgika.

Machitidu gha Ŵakutumika 5:3

Kweni Petro wanguti, “Hananiya, chifukwa chine Satana wazaza mtima wako kuti upusike iwe Mzimu Wakupaturika ndi kuti ujibisiye cha ku mtengu wa charu cho?

Mateyu 15:19

Chifukwa mu mtima mutuliya maghanaghanu ghaheni, zimbanda, maureŵi, mauyaya, maunkhungu, visimisimi vitesi, matuka.

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

Nthanthi 30:12

Ŵalipo ŵeniwo mbakutowa mu maso gha ŵeneko, kweni kuti mbakutozgeka cha ku lisilo lawo.

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

ŴaGalatia 1:14

ndipo mu chi Yuda cho ndarutiriyanga kwakuruska ŵanandi ŵanthanga mu fuku langu, pakuŵa warwana kwakuruska mu miyambu ya ŵaseku.

Yohane 12:6

Wangukamba ichi pa chifukwa chakuphwere ŵakavu cha; kweni chifukwa wenga munkhungu, ndipo pakuŵa wakusunga chikwama, wajitoliyanga vyo vya ŵikikangamo.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Luka 7:13

Ndipo wachichiona Mbuya, wanguchichitiya chifundu, ndipo wanguchinene, “ungaliyanga.”

Zefaniya 3:3

Nduna zake mukati mwake ze nge ndi nkharamu yakukoroma; ŵeruzgi ŵake ndi mphumphi za mazulo zo kuti zisiya kanthu cha mpaka ndi mlenji.

Ezekiele 22:27

Mafumu ghawo mukati mwake ghayana ndi mphumphi zakuparuwa nyama, kudiska ndopa, kuparghang'a ma umoyo chifukwa chakupenja chanduwu chakupusika.

Ezekiele 22:25

Mafumu mukati mwake ghaŵa nge ndi nkharamu yakukoroma yichiparuwa nyama; ŵaparuwa ma umoyo gha ŵanthu, ŵato usambasi ndi vinthu vyakuzirwa; ŵandaniska vyoko vinandi mukati mwake.

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Nthanthi 26:25

Wachikamba kwa wezi, ungavwananga nayo cha, pakuti mwe vyaukazuzi nkhonde ndi viŵi mu mtima wake;

Sumu 22:13

zindiyasamiya milomo yawo, nge ndi nkharamu yakuparuwa ndi yakukoroma.

2 Mikoka 25:2

Wanguchita cho chenga chakurunjika mu maso gha Ambuya, kweni kuti ndi mtima wakufikapo nkhani kurunjika cha.

2 Timote 3:5

ŵakuŵa ndi chikozgu cha uwopa Chiuta kweni ŵakukana nthazi yake; kwaku ŵeniwo nawo gaukako.

Yohane 13:2

Ndipo wachoneska diabolo yo wati waŵikamo kali mu mtima waku Yuda mKeriote, mwana waku Simoni, kuti wampachiye.

Nthanthi 26:23

Uli nkhung'anima kwa kubwalo kwachiyaŵi cha dongo ndimu yilili milomo yakungozga yo yendi mtima uheni.

Luka 7:19

Ndipo wakujidaniya ŵangana ŵaŵi ŵa ŵasambizi ŵake, Yohane wanguŵatuma ku Ambuya, wakuti, “Kumbi imwe ndimwe yo watuza, pamwenga tilereziyenge munyake?”