Luka 10:20 - Tonga Bible 1986

²⁰ Posepose napo mwaku chenichi mungakondwere cha, chakuti mizimu yo yithere imwe, kweni kondwani kuti mazina ghinu ghalembeka kuchanya.”

Luka 10:20 Referans Kwoze

Chivumbuzi 20:15

Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

Chivumbuzi 21:27

Kweni kuti kaserenge mwake cha kanthu kose kawaka, chingana ndi yo wachita kaukazuzi pamwenga wakukamba utesi.

ŴaHebere 12:23

ku ungano ndi ekleziya la ŵakupapika danga ŵakulembeka kuchanya, ndi kwaku Chiuta, mweruzgi waku wose, ndi ku ŵazimu ŵa ŵarunji ŵakufiskika,

Chivumbuzi 3:5

Yo wapunda wakavwarikikanga viyo minjirira yakuti tu! Ndipo kuti nkhasisitanga cha zina lake mu buku la umoyo; ndipo nkhazumbuwanga zina lake paurongo pa Ada, ndi paurongo pa ŵangelo ŵawo.

Danyele 12:1

“Pa nyengo yo Mikaeli, karonga mkuru, wayukenge, yo we ndi mtufu pa ŵanthu ŵinu. Ndipo yiŵengeko nyengo ya suzgu, yo chingana ndi kali yindaŵeko kutuwa po mtundu wa ŵanthu ukuŵiyako mpaka pa nyengo yiya; kweni pa nyengo yeniyiya ŵanthu ŵinu ŵataskikenge, yose yo zina lake lisanirikenge lakulembeka mu buku.

Ezekiele 13:9

Janja langu likamikananga ndi ŵamchimi wo ŵawona viwona vyawaka ndi kupereka mawula gha utesi; Kuti ŵakaŵangamo cha mu upu wa ŵanthu ŵangu, nanga nkhulembeka mu buku la nyumba yaku Yisraele cha, pamwenga nanga nkhusere mu charu cha Yisraele naku so cha; ndipo mukaziŵanga kuti ine ndine Ambuya.

Chituwa 32:32

Kweni sono chonde muŵagowoke uheni wawo ndipo asani awa, ndikupemphani ndisisiteni mu buku lenilo mukulemba.”

ŴaFilipi 4:3

Inya, ndiŵeyere iwe nawe, wamagoŵa munyangu mwenimweni, uwovye ŵanthukazi yaŵa, wo wose ŵangulimbalimbiya mu evangeli pamoza nane, pamoza ndi Klemente nayo, ndi ŵakujapo wo ŵanchitu ŵanyangu, ŵeniwo mazina ghawo ghe mu buku la umoyo.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Yesaya 4:3

Ndipo yo wakasiyikanga mu Zioni ndi wakujaririya mu Yerusalemu wakadanikanga wakupaturika, we yose yo walembeke umoyo mu Yerusalemu,

Sumu 69:28

Mazina ghawo ghasisitike mu buku la ŵamoyo; ŵareke kulembeka pamoza ndiŵanthu ŵinu.

Mateyu 10:1

Ndipo wakudana ŵasambizi ŵake chumi ndi ŵaŵi, wanguŵapaska mtufu wapa mizimu yawiyu, kwachiyituzga, ndi kwachichizga nthenda zose ndi urwali wose.

Mateyu 26:24

Kweni Mwana wa munthu waruta, uli ndimo kwalembeke ndi iyo; kweni owe ku munthu yo mweniyo Mwana wa munthu wapachirika nayo! Kwenga kwamampha kwaku iyo, asani wengavi kupapika.”

Mateyu 27:5

Ndipo wati wapong'a pasi vyasiliva vyo mu kasopi, wanguruta; ndipo wakutuwako wangujigwinjiriya.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Chivumbuzi 17:8

Chikoku cho unguwona, chinguŵapo, ndipo sono kuti chiripo cha; ndipo chepafupi kuzuwuka ku chizenji cho chakuti nyo, ndi kuya ku wanangiku. Ndipo ŵakuja pa charu, ghakuŵeniwo mazina ghalive kulembekamo mu buku la umoyo kwanda ku kujarikika kwa charu, ŵakaziŵanga ŵachilereska chikoku cho kuti chinguŵapo ndi kuti chiripo cha, ndi kuti chikaŵangapo.