Luka 1:1 - Tonga Bible 1986

¹ Nge ndimo ŵanandi ŵayese kukonkhoska makani gha vinthu vyo vyafiskika mukati mwidu,

Luka 1:1 Referans Kwoze

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Marko 16:20

Kweni ŵenaŵa ŵangutuwa, ndipo ŵangumemeza kosekose, Ambuya iwo ŵakutataliya pamoza nawo, ndi ŵakukhozga mazu ndi visimikizgu vyakurondo. Ameni.]

ŴaRoma 4:21

ndiwakukhorwa kuti cho wangupangana wenga so wanthazi kwachichita.

ŴaRoma 14:5

Yumoza warumba zuŵa limoza kuruska ku zuŵa linyake; kweni munyake wateruzga zuŵalo lose kwakulingana-lingana. Munthu yose wakopeke limu mu chinjeru cha pa mtima wake.

ŴaKolose 2:2

alinga kuti yikhwimiskike mitima yawo, pakumangana pamoza mu chanju, ndi mu usambasi wose wakuzala wa mziŵiru, kuti ŵaziŵe mangari ghaku Chiuta, ghaku Kristu,

ŴaKolose 4:12

Wakutauzgani Epafra, yumoza namwe, muŵanda waku Kristu Yesu, wakurimbarimba mu marombu ghake nyengo zose chifukwa chaku imwe, kuti muŵe ŵakufiskika ndi ŵakukhozgeka mu khumbo lose laku Chiuta.

1 ŴaTesalonika 1:5

pakuti evangeli widu kuti unguziya imwe mu mazu pe cha, kweni so mu nthazi ndi mu Mzimu Wakupaturika, ndi mu uzali wenecho wa chigomekezgu. Uli ndimo muziŵiya po tinguŵiya mwinu wakuti e, pa chifukwa chinu.

ŴaHebere 6:11

Ndipo tinweka kuti munthu yose waku imwe warongonge phamphu lenilo pe ku uzali wa chigomekezgu mpaka ku umari:

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,