Jobu 8:3 - Tonga Bible 1986

³ Kumbi Chiuta wabendezga cheruzgu? Pamwenga kumbi Wanthazi zose wabendezga urunji?

Jobu 8:3 Referans Kwoze

2 Mikoka 19:7

Viyo chofyu cha pa Ambuya chiŵe paku imwe chenjeni pakucho muchita, chifukwa Ambuya Chiuta widu kuti wakarekeriyanga cheruzgu chakubende cha, kuchita sankhu pamwenga kuronde vinda.”

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Danyele 9:14

Pa chifukwa ichi Ambuya ŵasunga soka ili ndi ŵaliŵika paku ifwe! Chifukwa Ambuya Chiuta widu ndi murunji mu nchitu zose zo wachita, ndipo kuti tavwiya mazu ghake cha.

Chivumbuzi 16:7

Ndipo ndinguvwa kukambura kwa jochero, latinge, “Inya, Ambuya Chiuta, Mwaŵanthazizose, vyeruzgu vinu vyakuneneska ndi vyakurunjika.”

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Ezekiele 33:20

Kweni ndipuuli imwe mutiti, ‘Nthowa ya Ambuya kuti njakurunjika cha.’ Awe, nyumba yaku Yisraele, ndikamweruzganga yumoza ndi yumoza waku imwe kwakulingana ndi nthowa zake.”

Ezekiele 33:17

“Kweni ndi kweni ŵanthu ŵako ŵatiti, ‘Nthowa ya Ambuya kuti njakurunjika cha’; penipo nthowa yaku iwo ŵeneko ndiyo yiheni.

Ezekiele 18:25

“Ndipuuli imwe mutiti, ‘Nthowa ya Ambuya kuti njaurunji cha.’ Avwani sono, nyumba yaku Yisraele mwe: Kumbi nthowa yangu kuti njakurunjika cha? Kumbi asi nthowa zinu ndizo ziheni?

Sumu 99:4

Karonga wanthazi, wakwanjaurunji; mwapereka cheruzgu paku Yisraele; mwaŵapaske urunji ndi umampha.

Sumu 89:14

Ufumu winu ukujarikika pa urunji ndi cheruzgu; chanju ndi ukongorekwa vye mu chitu zinu zose.

Jobu 40:8

Kumbi ukatinge ndabuda; kumbi ukandisuskanga kuti nde muheni, mwakuti ujirunjiske?

Jobu 40:2

“Kumbi wakusaniya chifukwa wakapindananga ndi Wanthazi zose? Yo wasuskana ndi Chiuta, wamuke.”

Jobu 35:13

Nadi Chiuta kuti watuvwa kuriya kwaŵaka cha, nanga ndi Wanthazizose kuti waphwereko cha.

Jobu 34:5

Pakuti Jobu wanguti, ‘Ndine murunji; ndipo Chiuta watuzgapo urunji wangu,

Jobu 21:20

Maso ghawo penipo ghawona pharghaniko lawo, ŵatumwako ukari wa Wanthazizose yiwo ŵeneko.

Jobu 21:15

Wanthazizose ndiyani kuti timutataliye? Ndipo chanduwu nchine cho tironde pakumuromba?’

Jobu 19:7

Wonani, ndiliya, ‘Kwakuŵaŵa!’ Kweni kuti ndimukika cha; ndidana ukongwa, kweni kuti nditeruzgika kwakurunjika cha.

Jobu 10:3

kumbi chiwoneka kuŵa chamampha kwaku imwe kukandirizga, ndi kuyeya nchitu ya manja ghangu ndi kurumba fundu za ŵaheni?

Jobu 9:2

“Nadi, ndiziŵa kuti kwe viyo. Kweni munthu wangaziŵa uli kuŵa murunji pa maso paku Chiuta?

Jobu 4:17

‘Kumbi munthu wachifweni wangaziŵa kuŵa murunji pa maso paku Chiuta? Kumbi munthu wangaziŵa kuŵa wambura kalema paurongo pa mlengi wake?

Jobu 36:3

Nkhatonga zeru zango kutuwa kutali, ndi kukamba kuti Mlenge wangu ndi murunji.

Jobu 36:23

Ndiyani yo wakumumikiya nthowa zake, pamwenga ndiyani wanganena kuti, ‘Imwe mwachita uheni’?

Jobu 37:23

Wanthazizose kuti tingaziŵa kumusaniya cha; ndi mukuru mu nthazi ndi mu cheruzgu, ndi uzali wa urunji kuti wakasuskanga cha.

Jobu 19:6

iku ziŵani kuti Chiuta ndiyo wandisuska, wandizingirizga ndi chirepa chake.