Jobu 7:8 - Tonga Bible 1986

⁸ Jiso laku yo watindiwona, kuti likandiwonanga so cha; penipo maso ghako gheche kulereska paku ine, ukawona nga kuti ndaruta.

Jobu 7:8 Referans Kwoze

Jobu 20:9

Jiso lo lingumuwona kuti limuwonenge so cha, chingana ndi malo ghake kuti, ghamuwonenge so cha.

Sumu 37:36

Ndingwazijumphapo so, ndipo, awonani, iyo pengavi; nanga ndingumpenja, kweni kuti wangusanirika cha.

Sumu 39:11

Po mulanga munthu ndi kumuchenya chifukwa cha uheni, muparghang'a nge ndi fufuzi cho kwake nchakwanjiwa; kwakuneneska munthu yose nkhamvuchi kawaka!

Jobu 14:3

kumbi mujura maso ghinu ndi kumulereska munthu wa viyo, ndi kumutole kukweruzgika ndi imwe?

Jobu 13:27

Muserezga marundi ghangu mumatangaja ndi mulereska nthowa zangu zose, ukuŵika chisimikizgu ku phazi la rundi langu.

Jobu 8:18

Asani watuzgikapo pa malo ghake, ghakamukananga kuti ‘Ndilive kukuwonapo kali.’

2 Samuele 12:23

Kweni sono wafwa; ndifungiyengenji kurgha? Kumbi ndikamuwezganga so? Ine ndirutenge kwaku iyo, kweni iyo kuti wawerenge so kunu kwangu cha.”

Jobu 3:13

Pakuti mphanyi ndingugona pasi ndi kuti chete; mphanyi ndagona tulo, viyo mphanyi ndingupumuwa,

Jobu 7:21

Kumbi chifukwa nchine mureka kugowoke mamphuru ghangu ndi kutuzgapo ubudi wangu? Pakuti sono ndigonenge mu fuvu; mukandipenjanga kweni kuti nkhasanirikanga cha.”

Jobu 27:19

Wagona pa chita wakusambasa, kweni kuti wakaŵanga viyo cha nyengo yose, pakujura maso ghake wawona kuti usambasi waruta.

Jobu 14:10

Kweni munthu watufwa pa wawonda ukongwa, watuta kwakumariya, ndipo wepani?

Jobu 20:8

Wakaphururukiyanga kutali nge ndi loto, ndi kuti wakasanirikanga cha; wakadikiskikiyanga kutali nge ndi chiwona cha usiku.

Sumu 103:16

Po mphepo yiputapo, ilo laruta palivi, ndipo palivi yo watiliwona so.