Jobu 7:1 - Tonga Bible 1986

¹ “Kumbi munthu walive mlimu unonono pa charu? Kumbi mazuŵa ghake kuti ghayanacha ndi mazuŵa gha wanchitu wake?

Jobu 7:1 Referans Kwoze

Sumu 39:4

“Ambuya, ndiziŵiskeni umari wangu, ndi unandi wa mazuŵa ghangu mo ghaliri; ndiziŵiskeni chigoti cha umoyo wangu.

Jobu 5:7

kweni munthu wakupapikiya visuzgu, nge ndi nkhangalufya ziputiskikiya kuchanya.

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Yesaya 21:16

Pakuti Ambuya angundinene kuti, “Mukati muchirimika chimoza kwakulingana ndivirimika vya wanchitu wa mphoto, unkhankhu wose waku Kedara ukamaranga.

Wakutaula 8:8

Kulivi munthu yo wendi nthazi, pamwenga mazaza ghakuko mzimu pa zuŵa la kufwiya; kulivi kufwatuka ku nkhondo, nanga mbuheni kuti ukapozomoskanga iwo ŵakujipereka kwaku wo cha.

Marangu 15:18

Kuti chikawonekanga chinonono cha kwaku imwe penipo mutumuzomerezga kuruta kwawanangwa kutuwa ku kwinu, pakuti wamuteŵetiyani virimika vinkhonde ndi chimoza cho nchigaŵa cha chimoza cha mtengo wa wanchitu wakurembereka. Viyo Ambuya Chiuta winu wakamutumbikaninga mwaku vyose vyo muchita.

ŴaLevi 25:50

Ŵakaŵerengerananga nayo yo wangumugula, kwamba chirimika mwaku cho wangujiguliskiya mpaka ku chirimika cha wanangwa; ndipo mtengo wakufwatulika kwake ukayananga ndi unandi wa virimika; virimika vyo wajaliya ku wakumugula vikaŵerengekanga pa mtengo wa wanchitu wa mphoto.

Yesaya 38:5

“Ruta, ukanene kwaku Hezekiya, Viyo atiti Ambuya, Chiuta waku Davidi ausu: Ndavwa rombu lako, ndawona masozi ghako; ehe, ndikasazgiyangako ku umoyo wako virimika chumi ndi vinkhonde.

Jobu 7:2

Nge ndi muŵanda yo wakhumba muduzi ndi nge ngwanchitu yo wapenja malipilo ghake.

Jobu 10:17

munozga so ŵakaboni ŵinu kundisuska, ndi kukuzga ukari winu paku ine, mutuza ndi maliŵanja gha nkhondo kumikana nani.

Jobu 14:1

“Munthu wakupapika ndi munthukazi mazuŵa ghake ngamanavi gheni, wakuzazika ndi visuzgu.

Yesaya 16:14

Kweni sono Ambuya atiti, “Mu virimika vitatu uli ndi virimika vya wanchitu ya kulondapo mphoto, unkhankhu waku Moabu ukayeyekanga, chingana wangaŵa ndi chimpingu chikuru, ndipo wo ŵakaŵanga ŵamoyo ŵakaŵanga ŵamanavi ukongwa ndi ŵakutomboroka.”