Jobu 6:10 - Tonga Bible 1986

¹⁰ Ili ndilo latinge liŵenge likondwa langu, nadidi ndatinge ndikondwenge mu urwirwi wambura kulekezga, chifukwa ndilivi kukana mazu gha Mtuŵa.

Jobu 6:10 Referans Kwoze

Jobu 23:12

Ndilive kupatukako ku marangu ghatuŵa gha mumilomo yake, ndaronga mu chifuŵa changu mazu ghamu mlomo wake.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

ŴaLevi 19:2

“Nena ku mpingu wose wa ŵaYisraele kuti, Mukaŵanga ŵatuŵa; pakuti Ine Ambuya Chiuta winu nde mutuŵa.

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

ŴaRoma 8:32

Mweniyo nadi wengavi kureka Mwana waku yija, kweni wangumpereke pa chifukwa chaku tose, warekenge so uli kutipaska kwawezi vinthu vyose pamoza nayo?

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.

Machitidu gha Ŵakutumika 20:20

po ndengavi kusisiya kanthu kakukovyani, ndi kukutauliyani pakweru, ndi ku nyumba ndi nyumba,

Habakuku 3:3

Chiuta waturiya ku Temani, mutuwa ku phiri la Parana, Unkhankhu waku ubenekere machanya, ndi charu chapasi chinguzaza ndi marumbu ghake.

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.

Hoseya 11:9

Nkhafiskanga cha ukari wangu ukuru, kuti nkhaparghang'anga so Efraimu cha; chifukwa ndine Chiuta munthu cha, Mtuŵa mukati mwinu, ndipo kuti ndizenge kuzachiparghang'a cha.

Sumu 119:13

Ndiwerezgengepo so kukamba, marangu ghose gho mwandipaska.

Sumu 37:30

Mlomo wa wakurunjika ukamba zeru, lilime lake likamba cheruzgu.

Jobu 22:22

Ronde visambizgu kutuliya kumlomo wake, ndi sunga mazu ghake mu mtima wako.

Jobu 21:33

Mabuma ghamu dambo ngakunowa kwaku iyo; munthu yose ngwakumurondo, ndipo wo mbakwenda paurongo pake mbambura kuŵerengeka.

Jobu 9:4

Ngwazeru mu mtima ndi wakurimba mu nthazi. Njani wajingangamiska kumikana nayo ndi wapunda?

Jobu 3:22

mbayane wo ŵasekere ukongwa, ndi kukondwa pakusaniya muunda.

1 Samuele 2:2

“Kulivi mtuŵa nge mba Mbuya, palivi yumoza pade paku imwe; kulivi jarawi lakuyana ndi Chiuta widu.

Marangu 29:20

Ambuya kuti angamugowoke cha; kweni ukari wa Ambuya ndi sanji yawo; yiyupukiyenge munthu yo ndi matembo gho ghakulembeka mu buku ili ghakaŵanga paku iyo, ndipo Ambuya akazimwanga zina lake panu pasi.

Jobu 11:4

Pakuti iwe utiti, ‘Chisambizgu changu nchamampha ndipo nde wambura kalema mu maso ghaku Chiuta.’

Jobu 15:11

Kumbi kusangaruska kwaku Chiuta nkhumana kwaku iwe, pamwenga mazu ghaniwo wakamba nawe wenguwengu?

Jobu 23:11

Phazi langu lakaniriya ku michapu yake; ndandondoroska nthowa yake ndipo ndilive kupatukiya kumphepete.

Sumu 119:50

Nanga ndi mu suzgu yangu ndinguŵa wakusangaruka, chifukwa phanganu linu likundipaska umoyo.