Jobu 5:5 - Tonga Bible 1986

⁵ Mbeu yake yo wavuna yirghika ndi ŵanja, ŵayito nanga ndi mukati mu minga, ndipo ŵanyota ŵaŵeŵefukiya usambasi wake.

Jobu 5:5 Referans Kwoze

Chitenje 2:16

Ŵakupindikana ŵako wose ŵakuyukiya, ŵajuma ŵake kechuwa minyu ghawo, ŵabangula: “Tamubwanganduwa! Oho, zuŵa ili ndilo tanwekanga; sono te nalo; titiliwona!”

Hoseya 8:7

Chifukwa ŵangupanda mphepo, ndipo ŵavunenge kavuruvuru. Trigu walivi mphonji, kuti wakapasanga vipasi cha. Asani wangupasa, ŵalendo ŵatinge ŵarghenge.

Yeremiya 51:44

Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Yeremiya 51:34

“Nebukadanezara karonga wa Babiloni wandirgha ine, wandiphwanya; wandichita kuŵa chiyaŵi chiyumu, wandimeza ulaka ncha nchalinda: wazaza nthumbu yake ndi vyakunowa vyangu, wandikana ine.

Yesaya 62:8

Ambuya arapa ndi janja lawo lakurghiya ndi janja lawo lanthazi: “Kuti ndikapaskanga so mbutu yinu cha kuŵa chakurgha cha ŵarwani ŵinu, ndipo ŵamwenda nthowa kuti ŵakamwanga vinyo winu cha yo mwajitakatakiya mwaŵeni;

Jobu 20:15

Wameza usambasi, ndipo watiwuwukuwa so; Chiuta watiwutuzga kutuwa munthumbo yake.

Jobu 12:6

Mahema gha ŵapoki ghepa chimangu, ndi wo ŵasosomo Chiuta ŵaja umampha, wo ŵatuza ndi chiuta wawo mu manja ghawo.

Jobu 2:3

Ndipo Ambuya anguti kwaku Satana, “Wamuteska mteŵeti wangu Jobu kuti palive wakuyana nayo mu charu, munthu wambura kalema, ndimurunji, yo watopa Chiuta ndi wakupatukako ku uheni? Weche kungangamika pa urunji wake, chingana ungunena kuti ndimuparghang'e kwambura kafukwa.”

Jobu 1:17

Weche kukamba, kunguza munyake yo wanguti, “ŴaKaldiya ŵagaŵikana mipingu yitatu ŵawiya chivwamba pa ŵagamila ndi kuŵato ndi kuŵabaya ŵaliska ndi lipanga, ndipo ine ndija ndine ndapozomoka kuzachikunene.”

Jobu 1:15

ndipo ŵaSabiya ŵanguzivumbatiya, ŵanguzito ndi kuruta nazo, ŵangubaya ŵaliska ndi lipanga, ine pe ndija ndine ndapozomoka kuzachikunene.”

2 Mikoka 33:11

Ndipo Ambuya pa chifukwa ichi, anguŵaziya ndi ŵachirongozgi ŵankhondo ŵa karonga wa Asiriya, ŵangumuko Manase ndi kumumanga ndi maunyoro, wanguruta nayo ku Babiloni.

Ŵeruzgi 6:11

Sono mungelo wa Ambuya wanguza ndi wanguja musina mu chimuti cha mkundi pa Ofra, cho chenga chaku Joashi mu Abiezeri penipo mwana wake Gideoni wapwanthanga trigu pa mbuli, kubisa trigu ku ŵaMidiyani.

Marangu 28:51

ndipo ukarghanga ŵana ŵa ng'ombe zinu, ndi vipasi vya charu chinu, mpaka penipo mwaparghanika; weniwo kuti ukamusiyaninga kurgha, vinyu, mafuta, mwandanu wa ng'ombe zinu, pamwenga ŵana ŵa mberere zinu cha mpaka penipo wamuparghanani.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Jobu 20:22

Mu uzari wakuguta kwake waŵenge mukavu, manja ghose ghakuwo ŵatimsuzga ghamziyenge,

Jobu 22:10

Chifukwa ichi wazingirizgika ndi viŵana, ndipo mantha ghakuko kwamabuchibuchi;

Sumu 109:11

Ŵameteu ŵake ŵamukwamphuwe vyose vyo wenavyo; ŵalendo ŵaskowe vyose vyo wangusaniya mu kutakataka.