Jobu 30:1 - Tonga Bible 1986

¹ “Kweni sono ŵandiseka, ŵanthu wo mbanamana ndi ine, ŵauskeu ŵaku ŵeniwo mphanyi ndaŵapepuwa, ndi kuŵajarika pamoza ndi ŵagaru mskambu wangu.

Jobu 30:1 Referans Kwoze

Jobu 12:4

Nde wakusekeka ndi mabwezi ghangu; ine, ndamwenine ndinguromba kwaku Chiuta ndipo wangundamuka, munthu murunji ndi wakunyoroka, kweni nde wakusekeka.

Luka 23:35

Ndipo lamanga khamu lo lakulereze. Ndipo ŵara nawo ŵamtozanga, ŵakuti, “Ŵanyake wanguŵataska; wajitaske mweneko, asani ndi Kristu waku Chiuta, wakusankhika wake.”

Sumu 69:12

Ŵakamba gha paku ine mu zinthowa, ndipo ndaŵa sumu za ŵakuloŵe.

2 ŴaKaronga 2:23

Kutuwa kuwa wangukwere ku Betele; ndipo penipo wenga weche kwenda mu nthowa, ŵahurwa ŵanyake ŵangutuwa mu msumba ndipo ŵangumunyoza, ŵanguti, “Rutanga kweranga wachaphala! Rutanga kweranga, wa chaphala!”

Tito 1:12

Yumoza wamwaku wo, mchimi waku ŵija, wanguti, “Nyengo zose ŵaKrete mbatesi, vikoku viheni, nkharghi zikata.”

Machitidu gha Ŵakutumika 17:5

Kweni ŵaYuda, pakukoreka sanji, ŵangujitole ŵanthurumi ŵanyake ŵatimbanizi ndi ŵaheni, ndipo pakonganiska mzinda, ŵatimbanizganga muzi, ndipo pakudumiya nyumba yaku Jasone, ŵalembenga kuŵatole ku khamu lo.

Luka 23:39

Ndipo yumoza wa ŵakuchita uheni wo ŵangupayikika, wamtukanga, wakuti, “Asi iwe ndiwe Kristu yo? Jitaske wamweni ndi ifwe.”

Luka 23:18

“Kweni ŵangukambura wose pamoza, ŵakuti, ‘Mtuzgepo uyu, kweni tifwatuliye Baraba:’ ”

Luka 23:14

ndipo wanguŵanene, “Mungutole ine munthu mwenuyu nge ngwakulinyongo khamu: ndipo, onani, ine ndati ndamfumbiya paurongo pinu, ndengavi kusaniya kose mu munthu uyu kafukwa kaku vyenivyo mumsumuliya,

Marko 14:65

Ndipo wangwamba ŵanyake kumfunyiya mata, kumujara ku maso, kumpafuwa, ndi kumnene, “Loskanga”: ndipo ŵalinda ŵangumronde ndi inakofe.

Yesaya 3:5

Ndipo ŵakayuzgananga uyu ndi munyake, munthu yose pa munyake we yose pa mwenasi wake; ŵanyamata wakaŵanga ŵa mwanu ku ŵara, ndi ŵa pasi ku ŵanthu ŵakuzirwa.

Jobu 30:2

Nchine chanduwu cho ndatinge ndiŵenge nacho kutuwa ku manja ghawo, ŵanthu ŵeniwo nthazi zawo zamara.

Sumu 119:51

Ŵakujikuzga ŵandiwera, kweni kuti ndapatukako cha ku dangu linu.