Jobu 3:5 - Tonga Bible 1986

⁵ Mdima ukuru ndi mduzi wa nyifwa viliŵange kuŵa lawo. Mitambo yiwe pachanya pake, mdima wa zuŵa ulitenthemeske.

Jobu 3:5 Referans Kwoze

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Yesaya 9:2

Ŵanthu wo ŵangwenda mu mdima ŵawona kungweruka kukuru; wo ŵanguja mu charu cha mdima wakofya, ukweru waŵaŵaliya.

Jobu 28:3

Ŵanthu ŵangweruska mdima, ndi ŵapenja mwa wa ndrama kutali kwakumariya mu mdima ukuru wamunkhorwe.

Luka 1:79

kwachiŵaŵaliya ŵakuja mu mdima ndi chiduzi cha nyifwa; kwachirongozge marundi ghidu mu nthowa ya chimangu.”

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Jobu 38:17

Kumbi malikomo gha nyifwa ghavumburika kwaku, kumbi mwaghawona malikomo gha mdima wa munkhorwe?

Jobu 24:17

Pakuti usiku wa mdima ndi mlenji kwaku iwo wose, chifukwa ŵatopa cha vyakofya vyamu mdima ukuru.

ŴaHebere 12:18

Chifukwa mulive kuzako ku phiri lo lakwaskikanga, ndi lingukole ndi moto, ndi ku munkhorwi, ndi ku mdima, ndi ku kanthenga,

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

Amosi 5:8

Yo wangupanga chirimila ndi mauta ndi wasanduska mdima kuŵa mlenji; ndi kufipiska msana kuŵa usiku, yo wadana maji gha nyanja ndi kughapunguriya pa chisku cha charu chapasi, Ambuya ndilo zina lawo,

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Ezekiele 30:3

Pakuti zuŵa laŵandika, zuŵa la Ambuya laŵandika; likaŵanga zuŵa la mitambo, nyengo ya soka ku mitundu.

Yeremiya 4:28

Charu chapasi chikatenjenga chifukwa chaku ivi ndipo kuchanya kukafipanga; pakuti ndakamba, ndasimikizga mtima; ndilivi kugowoka chingana nkhuti ndikawerenga vuli nako so cha.”

Sumu 107:14

Anguŵatuzga mu mdima ndimu munkhorwi, ndi kudumuwa ma unyoro ghawo.

Sumu 107:10

Ŵanyake ŵanguja mu mdima ndi mu munkhorwi, ŵakumangika ŵangusuzgika mu maunyolo;

Sumu 44:19

nanga imwe mwatiphwanya mu malo gha ŵakambwe, ndipo ndi kutivimba ndi munkhorwe.

Jobu 16:16

Chisku changu chacheŵera ndi kuriya, ndipo pa nkhope yangu pe mdima ukuru;

Marangu 4:11

Mungundere pafupi ndi kuma musina mu phiri, ndipo phiri lingukole moto kufika pakati-kati pa mtambo, ndi mdima ndi mabingu ndi munkhorwe bi.

Jobu 3:4

Zuŵa lo liŵi mdima! Chiuta wa kuchanya wangaliphwerenga cha, nanga nkhuti ukweru uŵaliye paku lo.

Jobu 3:6

Usiku uwa mdima wamunkhorwe ulibenekere! Lireke kukondwa mukati mu mazuŵa gha chirimika! Lireke kuŵerengeke pamoza ndi mwezi.

Jobu 34:22

Kulivi mduzi, pamwenga mdima wamunkhorwe mwaku weniwo ŵakuchita uheni ŵangabisama.