Jobu 24:12 - Tonga Bible 1986

¹² Ŵabuwura kutali kubwaro kwamsumba nge ndi mubuwuru wa nyifwa, mzimu wa ŵakulasika uliriya chovyo. Ndipuuli Chiuta kuti waphwere pempho lawo cha.

Jobu 24:12 Referans Kwoze

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

2 Petro 3:15

Ndipo pimani chelekerezga cha Ambuyafwe kuti mbutaski; uli ndimo so mbali widu wakwanjiwa, Paulo, kwakuyana ndi zeru yo yapaskika kwaku iyo, wangukulembiyani;

Malaki 3:15

Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”

Malaki 2:17

Mwavukiska Ambuya ndi mazu ghinu. Ndipuuli mutiti, “Taŵavukiska uli?” Pakukamba kuti, “Yose yo wachita uheni ngwamampha mu maso gha Ambuya, ndipo akondwa nayo.” Pamwenga pakufumba kuti, “Wepani Chiuta wa urunji?”

Yesaya 52:5

Chifukwa chenichi sono ndendi chine pano, atiti Ambuya, pakuwona kuti ŵanthu ŵangu ŵaruta nawo kwambura kanthu? Weruzgi ŵawo ŵatenjerwa, atiti Ambuya, ndipo kwakukiyakiya zuŵa lose zina langu litozeka.

Sumu 109:22

Nde mukavu ndi msauchi; ndalasika mpaka mukati mwa mtima wangu.

Sumu 69:26

Pakuti ŵatimusuzga yo imwe mwakoso, ndipo yo imwe mwamupweteka, iwo ŵatimuyuzga so kwakuruska.

Sumu 50:21

Ivi ndivyo wachita kweni ine ndingujachete; iwe waghanaghananga kuti ndiyana nge ndiwe. Kweni sono nditukuchenya, ndiŵika cheruzgu pa maso pako.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Jobu 9:23

Po urwani ubaya ruŵiruŵi, iyo waseka kukweŵeka kwa wambura kwananga.

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.

Chituwa 22:27

pakuti nchenicho pe chakuvwinkha chake, nchivwalo cha liŵavu lake na wakavwinkhanganji wachigona? Ndipo asani wakaliriyanga kwaku ine, ndikavwanga, pakuti nde wachitima.

Jobu 9:24

Charu chapasi chapereka mu janjala ŵaheni, wajara maso gha ŵeruzgi ŵake; asani kuti ndiyo cha, ndiyani nanga?

Jobu 24:11

ŵabika mafuta mukati mu malinga gha ŵanthu ŵaheni, ndi ŵaponda mphereska pa mbuli, kweni ŵakomwa ndi nyota.

Jobu 24:13

“Ŵalipo ŵanyake wo ŵagaruka kutuwa ku ukweru, wo ŵalivi kuziŵa nthowa zake, ndi kuti ŵaja mwaku zo cha.

Chiyambo 4:10

Ndipo Ambuya anguti, “Nchine cho wachita? Mazu gha ndopa za mhurwa wako ghatindiliriya kutuwa ku nyata.

Sumu 10:13

Chifukwa chine muheni wanyoza Chiuta, ndipo watiti mu mtima wake, “Imwe kuti mukachifumbanga cha?”

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Yeremiya 12:2

Imwe mutuŵapanda, ndipo iwo ŵathaza; ŵakuwa ndi ŵapasa chipasi; imwe mwe pafupi mu mlomo wawo ndipo mwe kutali ndi mtima wawo.