Jobu 22:3 - Tonga Bible 1986

³ Kumbi kutimkondweska Wanthazizose asani we wakurunjika iwe, pamwenga nchanduwu kwaku iyo asani unozga nthowa zako kuŵa zambura kususkika?

Jobu 22:3 Referans Kwoze

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

Machitidu gha Ŵakutumika 24:16

Mwaku chenichi nacho nane ndilimbiya kuŵa ndi njuŵi zambura kalema kuchiri kwaku Chiuta ndi ku ŵanthu nyengo zose.

Malaki 2:17

Mwavukiska Ambuya ndi mazu ghinu. Ndipuuli mutiti, “Taŵavukiska uli?” Pakukamba kuti, “Yose yo wachita uheni ngwamampha mu maso gha Ambuya, ndipo akondwa nayo.” Pamwenga pakufumba kuti, “Wepani Chiuta wa urunji?”

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Nthanthi 12:22

Milomo yitesi mbukazuzi ku Ambuya, kweni ŵeniwo ŵachita kwamagomekegeka ndi likondwa lawo.

Nthanthi 11:20

Ŵanthu ŵa miwongo yakurandizga mbukazuzi ku Ambuya, kweni wo mbakurunjika mu nthowa zawo wakondwa nawo.

Nthanthi 11:1

Mweso wakupusika mbukazuzi ku Ambuya, kweni mweso wakunyoroka ndi likondwa lawo.

Sumu 119:59

Po ndighanaghana ndi nthowa zinu, ndiwezge marundi ghangu ku visimisimi vinu.

Sumu 39:1

Ndinguti, “Ndikaphwerenga nthowa zangu, mwakuti ndireke kwananga ndi lilime langu; ndimangenge mlomo wangu ndi chakumangiya, penipo pose ŵaheni ŵe pamaso pangu.”

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

ŴaFilipi 4:18

Kweni nde navyo vyose, ndipo ndisakata; ndazara, ndati ndaronde kwaku Epafroditu vyakutuliya kwinu, fungu la chema, chisopu chamarondeka, chakumkondweska Chiuta.

Jobu 22:2

“Kumbi munthu wangaziŵa kuŵa waphindu kwaku Chiuta? Kwakuneneska yo ngwazeru ngwaphindu kwaku iyo mweneko.

Jobu 22:4

Kumbi nchifukwa chakumopa kwako iyo, kuti viyo watikuchenya, ndi watikutore ku cheruzgu?

Jobu 35:7

Asani mwe ŵarunji, nchine cho mutumpaska iyo, pamwenga nchine cho waronde kutuwa ku janja linu?

Jobu 21:15

Wanthazizose ndiyani kuti timutataliye? Ndipo chanduwu nchine cho tironde pakumuromba?’

Jobu 34:9

Chifukwa wanguti, ‘Kutanduliya munthu kanthu cha kuti wakondweriyenge mwaku Chiuta.’

Nthanthi 9:12

Asani we wazeru, we wazeru kwaku wamweni; asani uyeya, wamweni wija ukakomwanga.