Jobu 2:7 - Tonga Bible 1986

⁷ Viyo Satana wangutuwapo pa maso pa Ambuya, ndi wangumupweteka Jobu ndi vironda vyakutupa kutuwa ku phazi la rundi lake kwachifika pa liwombo la mutu wake.

Jobu 2:7 Referans Kwoze

Marangu 28:35

Ambuya akamupumaninga pa makongono ndi pa musolonthi ndi mapumba ghakuŵaŵa ukongwa kwaku gho kuti mungaziŵa kuchizgika cha, kutuwa ku phazi la rundi linu kufika pachanya pa mutu winu.

Yesaya 1:6

Kutuwa ku phazi kusi kwachifika ku mutu, kuti muvwika kanthu cha, kweni vikukusa pe ndi vironda ndi mabala ghakusuruwa ndopa; virivi kupo, pamwenga kumangika, pamwenga korovyeka ndi mafuta.

Jobu 30:30

Khungu langu lisanduka lifipa, ndi lindithaŵa, ndipo viwanga vyangu vitufya ndi kufunda.

Marangu 28:27

Ambuya akamupamaninga ndi nthenda ya mapumba ghaku Egipiti; ndi vironda, ndi viphere, ndi kamukono, kwaku zo kuti muziŵa kuchizgika cha.

Chivumbuzi 16:11

ndipo ŵangumtuka Chiuta wakuchanya chifukwa cha mauriwirwi ndi vironda vyawo; ndipo kuti ŵangung'anamukaku cha ku nchitu zawo.

Yesaya 3:17

Ambuya akakosonga ndi vitupatupa, mitu ya ŵanthu ŵaZioni, ndipo Ambuya akaŵajarikanga nkhuli.

Jobu 7:5

Liŵavu langu lakoreka ndi fusi ndi lisilu, khungu langu limira gwa, ndipo pavuli lituŵa so lakuwomba.

1 ŴaKaronga 22:22

Ndipo Ambuya anguti kwaku wo, ‘Ndifundu uli?’ Ndipo unguti, ‘Ndikarutanga kwenikuwa, ndi po ndamkuŵa mzimu wakupusika mu mlomo wa ŵamchimi ŵake wose.’ Ambuya anguti, ‘Wakumunyengadi, ndipo wamkumugoda; rutanga ukachite viyo.’

2 Samuele 14:25

Kweni mu Yisraele yose mwengavi yumoza yo wanguthokozeka pa chifukwa cha kutowa kwake nge ndi Absalomu, kutuliya kusi ku phazi lake, mpaka pachanya pa mutu wake, mwaku iyo mwengavi kalema.

Jobu 2:6

Ndipo Ambuya anguti kwaku Satana, “Ehe, we mu nthazi yako, kweni umoyo wake pe ndiwo uwureke.”

Jobu 13:28

Munthu wamara nge nchinthu chakuvunda, nge ndi raya lo larghika ndi muswa.

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”