Jobu 2:6 - Tonga Bible 1986

⁶ Ndipo Ambuya anguti kwaku Satana, “Ehe, we mu nthazi yako, kweni umoyo wake pe ndiwo uwureke.”

Jobu 2:6 Referans Kwoze

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

Jobu 1:12

Ndipo Ambuya anguti kwaku Satana, “Wona, vinthu vyose vyo Jobu we navyo vye munthazi yako, kweni paku iyo mweneko ungaŵikangapo janja lako cha.” Viyo Satana wangutuwapo pa maso gha Ambuya.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 20:7

Kweni penipo vyamara virimika vyo chikwi, Satana wazamfwatulika ku kumangika kwake,

Sumu 65:7

Muchetamiska kuwuruma kwa zinyanja ndi kuwuruma kwa mayigha; muchetamiska chiwawa cha mitundu.

2 ŴaKorinte 12:7

Ndipo chifukwa cha mtaruliro wa mauvumbuzi gho, mwakuti ndireke kujikwezge pachanya ndi kujikuzga, kungupaskika kwaku ine urwirwi wakupweteka mu liŵavu, nthumi yaku Satana yingundipuma, kuti ndireke kutumphulika ukongwa.

Jobu 2:5

Kweni tambasuwani janja linu sono ndi kwaskani chiwanga chake ndi nyama yake, ndipo wakamutonyoraninga pa maso pinu.”

Jobu 2:7

Viyo Satana wangutuwapo pa maso pa Ambuya, ndi wangumupweteka Jobu ndi vironda vyakutupa kutuwa ku phazi la rundi lake kwachifika pa liwombo la mutu wake.

2 Mikoka 18:21

Mzimu unguti, ‘Ndirutenge ndiŵenge nge ndi mzimu utesi mu mlomo wa ŵamchimi wake wose.’ Ndipo Ambuya anguti, ‘Kampusike, wamkumupusika nadi, rutanga ukachite viyo.’

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”

Luka 12:23

Chifukwa umoyo ngwakuzungura chakurgha, ndi liŵavu ndakuzungura chivwaru.