Jobu 2:3 - Tonga Bible 1986

³ Ndipo Ambuya anguti kwaku Satana, “Wamuteska mteŵeti wangu Jobu kuti palive wakuyana nayo mu charu, munthu wambura kalema, ndimurunji, yo watopa Chiuta ndi wakupatukako ku uheni? Weche kungangamika pa urunji wake, chingana ungunena kuti ndimuparghang'e kwambura kafukwa.”

Jobu 2:3 Referans Kwoze

Jobu 1:8

Ndipo Ambuya anguti kwaku Satana, “Kumbi wamsanda muteŵeti wangu Jobu kuti mulive mu charu wakuŵa nge ndiyo, munthu wambura kalema, ndi murunji yo watopa Chiuta ndi wakupatukako ku uheni?”

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Nthanthi 16:17

Nthowa yikuru ya ŵakurunji kayinganamukiya kunyake kutuwako ku uheni; mweniyo wavikiriya nthowa yake wasunga umoyo wake.

Jobu 9:17

Pakuti wandifyo ndi mphepo ya lirondo, ndi watandaniska vironda vyangu kwambura kafukwa;

ŴaFilipi 3:12

Kuti ndikamba kuti ichi ndikuronde kali pamwenga kuti nde wakuphotoka kali cha; ndilimbalimba kuti chiŵi changu, chifukwa Kristu Yesu wandisanduska kuŵa wake.

Yohane 9:3

Wangwamuka Yesu, “Chingana ndi mwenuyu kuti wangulakwa cha, chingana mbapapi ŵake; kweni alinga kuti zirongoleke mwake nchitu zaku Chiuta.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Nthanthi 14:2

Mweniyo watenda mu kunyoroka watopa Ambuya, kweni mweniyo ngwakupatuka mu nthowa zake watiŵayeya.

Nthanthi 13:6

Urunji utumuvikiriya mweniyo nthowa yake njakunyoroka, kweni uheni ugoda wamphulupulu.

Nthanthi 11:8

Murunji wataskika ku suzgu, ndipo wamphurupuru waseremo mu malo ghake.

Sumu 41:12

Imwe mwandikoreze chifukwa cha urunji wangu, ndipo mwandimiska pa maso pinu muyaya.

Sumu 37:37

Thoŵani munthu wambura kalema, ndi lereskani wakunyoroka, pakuti ku munthu wa chimangu yiŵengeko mphapu yakuvuli.

Jobu 13:15

Ehe, wakandibayanga; ndilive chigomezgu; ndipuuli nkhavikiriyanga nthowa zangu pa maso pake.

Jobu 9:20

Chingana ndiŵe wambura chifukwa mlomo wangu ukandisuskanga, nanga ndiŵe wambura kalema wakandisaniyanga kuti nde wakwananga.

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”

2 Samuele 20:20

Yoabu wangamuka, “Chiŵe kutali ndi ine, chiŵe kutali, kuti ndimeze pamwenga ndiparghang'e.

Chiyambo 6:9

Izi ndi mphapu zaku Nowa. Nowa wenga munthu murunji, wambura kalema mu mgonezi wake; Nowa wangwenda ndi Chiuta.

Sumu 26:1

Nderuzgeni, A Chiuta, pakuti ine ndayenda mu ukongorekwa wangu, ndipo ndagomekezga mu Ambuya kwambura kusukunika.

Jobu 2:2

Ambuya anguti kwaku Satana, “Watuliya nunkhu?” Satana wanguŵamuka Ambuya, “Ndatuliya mukuyingayinga mu charu, ndi mukwendayenda mwaku cho.”

Jobu 2:4

Satana wangwamuka Ambuya wanguti, “Khungu ku khungu! Vyose vyo munthu we navyo wakapaskanga kutaska umoyo wake.

Jobu 1:6

Ndipo linguŵapo zuŵa po ŵana ŵaku Chiuta ŵanguza kuzachijirongo pa maso gha Ambuya, ndipo Satana nayo wanguza mwaku wo.